[align=center]
هذا الخبر / كم تعب /يركض ورا المبتدا
...................والمبتدا / من (غلاة الروح )ماقدمه
سابق ولاحق/ وانا مع كل طيف ً بدا
..................تعبت وانا اسمعه / تعبت وانا ارسمه
الله ياطول هقواتي / وطول المدا
.....................والله ياما اكبر الاحساس بالمرحمه
عاتبت ناسً يبلون الورق بالصدا
................ واعطيت (قلب الهواوي ) كل مايلزمه
ياعاذلي / سالفه مامن وراها جدى
..................... لاتنتظر دورها /في قاعة المحكمه
راحت سدى / ياقليل العقل راحت سدى
....................وراحت عليكم/ زكاة الديره المعتمه
العلم يوصل/ ويعبر /يازبون الردى
............... لاتشمت / بغيرة الفارس / على محزمه
لاصحت بالصوت / باقي من يرد الندا
..................وباقي في الناس /للشيطان من يرجمه
كم مرة / ندمح الغلطه بوجه الفدا
...................وياكم كسرنا على وجه الورق مِرسمه
لو نشهر السيف الابتر فوق روس العدا
.......................على بقايا ترفهم / حامت الحايمه
لا ياشدا ماتهزك /عاصفه ياشدا
......................لو واجهتك الرياح / بحجة ً مفحمه
كل المواسم لها من صبرنا موعــدا
..................التمر له موسمه / والشِـعر له موسمه
حُرية الغيم / تحسدها بنات الندى
...................... وام الندى /غايمه في غيّها غايمه
وان صار حق الخبر في ذمة المبتدا
......................... يموت /والمبتدا قبله / ولاقدمه[/align]
[/align]
تعليق