أقرب منه وأدعيه : يا زين .!1 ويجيب ..!!

مسااكم / صبااحكم الخير كله يالنداوية




/




/




/





//






[poem=font="Simplified Arabic,5,#56561F,bold,normal" bkcolor="" bkimage="" border="none,4,#400000" type=2 line=1 align=center use=sp num="0,#400000"]

ماني وأناا عايض / خلي العذاريب=ولاني من ذنوب المخاليق / خالي !
الكامل الله عالم السر / والغيب=ولا البشر من دون حد الكمالي !
وياا سعود أنا من طرد جفل الرعابيب="حالي برى" والقلب فيه اجتوالي !
أونس على صدري صلي اللواهيب=( وأجاذب الونّات ) مماا جرى لي !
مرات أجاذبها فـ/ روس المراقيب=ومرٍ على محدار جرفٍ هياالي !
لا واا وجودي وجد من هده الشيب=عودٍ شكى من ضيم "سود الليالي" !
عودٍ تكدر له / صفي المشاريب=شربه هماج الورد .! عقب الزلالي !
قلبه عميق الجرح .. ما له تطابيب !!=تبكي على حاله عمام وخوالي !
وجدي على ظبيٍ / يغيض اللواعيب !=في مرتعه ما له حليٍ يحالي !
يطري على بالي .. وأحس المناسيب = تركي على الخفاق لا من طرى لي !
في غيبته " كن المناياا مخاليب "=وطير الهوى / ما عاد جاا له مجالي !
وعقب اللقا درات علي الدواليب=لين أبعدتني عنه .. ( ياا همالالي ) !
ولا لي جدى / يااكود هل السواكيب=دمعٍ حرام العام " لجله حلالي " !
متذكرٍ زوله حلي النبانيب=إلياا تثنى وسط / روض المفالي !
أبو ثمانٍ " درهنّه معااذيب "=طب الفواد اللي .. لحقه اعتلالي !
وراع العيون اللي تسل المحاديب=لا سلهمت بالرمش يم الغوالي !
ياماا على شانه .. ( وطيت المصاعيب )=وياماا على ( درب الصعايب ) مشى لي !
وياما تسامرنا على " مذهب الطيب "=ويامااا على صدر الغرام ! استمالي !
تشهد لناا " القمرا " بدار المعازيب !=على النقا // ما نيش درب الخمالي !
أقرب منه وأدعيه : يا زين !! ويجيب=لبى الندا .. ويمد حبل الوصالي !
واليا نويت أقطف " زهور التلابيب "=امن الخجل ..!! كنه يجيه اختلالي !
واميل ابه ميل الهوى بالمصاويب=واقطف " زهر ما لاق " عقب استوى لي !
وآآ تل قلبي تل / حبل المجاذيب !! =يومه معي ما كن شيٍ غدى لي !
واليوم أجاوب فالخلا ( عوية الذيب )=على " رهيف الحس " ! عذب الدلالي !
ظبيٍ على لاماه نزف المعاطيب=عقب العنا ..!! والهم ..!! زاد انشغالي !
أخايل بروقه .. " ورا شمخ النيب "=لو الدهر ما يوم عقبه / صفى لي !
ويا أهل الهوى ..! والعرف ..! وأهل المواجيب ..!=( قلب الشقا ) ما عاد فيه احتمالي !
أبا أنشد اللي " يكنزون التجاريب "=ويش السواه اللي / تغير حوالي ؟!
" تعبت " أنا من حب " راع المخاضيب " =وغيره من الخدرات محدٍ زهى لي !
وإما لفاني من طرفكم مكاتيب=خطرٍ / على عقلي يجيه الهبالي !
وختم الخبر قولٍ " بلياا مطاليب "=علمٍ لزوم إنه لغيري يقالي !
رجلٍ شكى مثلي ( غرام الرعابيب )=وآآ عزتا له .!1 ثم وآآ " عزتا لي .!1" ![/poem]


[align=center]/[/align]

[align=center]وسلامتكم[/align]

ياسلام عليك ياعايض

صح السانك ولاهنت

قصيده ماعليها كلام وافيه من راس وافي

لك تحياتي

اررررررررررررحب ياعايض




وصح لسانك يالقرم




قصيدة رائعه من شاعر مبدع



لك تقديري

.,

حسن الوطري / يا مرحبا بك
وحياك الله وحي الله مرورك


.,

.,


البقا بك يا هادي .. ولا خلا ولا عدم


.,

الكامل الله عالم السر / والغيب
ولا البشر من دون حد الكمالي !

صح لسانك ياعايض ... هذا البيت بحد ذاته كمال

عايض بن زوير
انا اشهد انك بدعت قاف
قصيدة تهز القلوب
صح لسانك
تقبل تحياتي

.,

حمد الدليهي / ياا حيااك الله وياا حي الله تواجدك

لا هنت


.,,

عايض

ارحب


ياسلام عليك يامبدع


صح لسانك لين ترضى

تحياتي

.,

أبو راكاان / صح بدنكـ .. والله لا يهينك ولا يهين وجودك


تقديري والتحاياا لك

.,

ابن زوير


الا والله خالي العذاريب ولا به شكه


صح لسانك ياكحيلان


تحياتي