@@ إن كان ما لي في حياتك داعي @@

[align=center]صلوا على النبي
..................
.............
.........
.....
...
.[/align]






[poem=font="Traditional Arabic,6,#3F317C,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]

إن كان ما لي في حياتك داعي = لا تكبر الجرح و تزيد اوجاعي

شف دربك اللي جيتني من صوبه = عوّد معه و انا عليّ مرجاعي

صمتي على حضرة جنابك غلطه = ما عاد اكررها و اعيد اوضاعي

مليت من صدي و من تطنيشي = لـ ذنوبك اللي احرقت مرباعي

جمر القهر ما زال ضوّه فيني = يصلى الخفوق و لا رحم اضلاعي

اكبر همومك كيف تحرق قلبي = و اكبر همومي راحتك في قاعي

يا شين جرحي منك يا جارحني = كسّر مجدايفي و شق شراعي

خليت مرٍ ناسيه من مبطي = يرجع عليّ و يرتسم بـ اطباعي

حلمٍ تدمر من دماره عمّر = آهٍ مع صوتي آجره ناعي

صّحى من الونه سبات الجاهل = اللي طعني و احتمى بقناعي

اركنت ما بي لين ادوّر ما بك = و انا مع لحافي امد كراعي

في ليلةٍ عيني جفاها نومي = ابطيت فيها ساهرٍ ملتاعي

احسّب اللي راح من ايامي = و اعدد انصافي مع ارباعي

لعلني اعرف حساب الساعه = و عمرٍ من اسبابك اعدّه ضاعي

حملي ثقيل و حاجتي مرهونه = في حبكة اشعاري و جيد الساعي

إما يوصل ما كتبته عنّك = و الا يوصل هرجتك لـ اسماعي

حسبي على العشق العفيف الطيّب = ما شفت منّه غير لوي ذراعي

لو كنت من ناسٍ تعيف النعمه = كان التهيت و لا شكيت الراعي

لكن على الله و الليالي جادت = في سترها معزوفتي و ايقاعي

جريت صوتي من عناي و همي = حتى و لو ما لي بقلبك داعي [/poem]














[align=center]


اجمل التحايا
ناصر السحيمي[/align]

اللهم اصلي على محمد
ولاعجمت ولاهفيت ياناصر

عليه الصلاة و السلام
صح الله لسانك
جزززززززلة من جزل
تحياتي لك

ناصر

صح السانك ولاهنت

قصيده رائعه من رائع

لك تحياتي

اخي الغالي ناصر


لو ما انت بعفيف كان قد شرقت الشمس

ههههههه


صح الله لسانك

نص فاخر من شاعر مبدع ومتمكن


بيض الله وجهك على اطراب اسماعنا واذواقنا بروائعك الشعريه


تقبل تحياتي

اخوك

ابو نايف