قطر في عيوني ليلةٍ غآب بدرهآ..مرثيّه

السلآآآم عليكم ورحمة الله وبركآآته,’,

صبحكم\مسآكم .. الله بالخير جميع.,.,


هذي قصيده كتبتهآآ في عمّي حمد الله يرحمه ويغفر له وهو توفّى يوم الاحد 26\9\2010م

توفّى وعمره 64 والقصيده من 64 بيت


[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
انآ هآجسي لآ ظلّم الليل سرّآني=وتهلّ الدموع اللي بهآ الخد غرقآني
الى من بغيت اخفّف الهم والحزن=اصوّت بعآلي الصوت في رآس مآ بآني
واجرّ الطروق اللي تهيّض لحونهآ=والآحي لحون الورْق لي جرّ الالحآني
فلآ تحسبون انّي لاغنّيت منطرب=لكنّ حرّةٍ فالصدر للطرق تحدآني
احس ان كنّي وآطيٍ جمرة الغضى=من الحرّه اللي فوّرت دم شريآآني
اسآمر نجوم الليل والعرْب هآجعه=ولآ حولي مْن الخلق انسٍ ولآ جآني
تفكّرت في وقتٍ دهتني عجآيبه=ودعيت الله مْن شرور الازمآن يآقآني
ألى يآ زمآني ليه مآ عآد تبتسم؟=بوجه الفقير اللي توطّتْه الاحزآني
ليآليك توعدني واصدّق وعودهآ=وانآ مومنٍ بالشرع والخمس الاركآني
اعدّ الثوآني ثآنيه عقب ثآنيه=عسى تآتي الافرآح مرّه على شآني
يدور الزمآن ولكن النفس عآدهآ=مع الحزن وهمومي ودمعآت الاعيآآني
اصلّي لربّي كعتينٍ والوذ به=واسآله بجآهه للخطيّآت غفرآني
وليٍ تولآنآ وهو خير من ولى=ولآ فيه غيره يحكم بعدل واحسآني
حكيمٍ نطيع امره وشوره وحكمته=ولآ نرتضي من دون ربّ الملآ ثآني
ألى يآ حروف الشعر قومي وعجّلي=مدآم ان لي قدره لترتيب قيفآني
انآ مآني اللي يوم طآلت قصيدته=تبلّش بمعنآهآ وفي ضبْط الاوزآني
اعرف آتحكّم فالقصيده وطولهآ=واغوص الغبب وآجيب درّي ومرجآني
يقولون يْبن هْجآر وين ابتسآمتك؟=ولو تبتسم حزنك على وجهك يبآني
يقولون يبْن هْجآر مآ فآدك السهر=وانآ اقول احب السهر لو انّه اشقآني
يقولون يبْن هْجآر وش في جدآيدك=غشآهآ من الاحزآن غيمه و ودّأني
يقولون يبْن هْجآر الى ضآق خآطرك=يقول الصمد مآ يشرحه كود قرآني
وانآ اقول عمّي ضمّه القبر واللحد=فلآ احدٍ يلوم غيومي ان هلّ هتّآني
بعد جيت ابوهآمور والنفس ضآيقه=تعوّذت بك يآ خير هآدي ورحمآني
عيوني تغآرق دمعهآ يوم شفتهم=يلفّون جسم الغآلي ببيض الاكفآني
قطر في عيوني ليلةٍ غآب بدرهآ=وانآ تآيهٍ في ظلمة الليل وحدآني
عقب رآح عودٍ وقفته تجلي العمس=بديت احسب الدمعآت من حسبة اخوآني
سعى في حيآته بآغيٍ عزّ ربعه=ومن عزّ ربعه عزّه الله ولآ هآني
حمد وانشدوا عنّـه جميع المسآفره=طليق الحجآج اللي له العزّ نيشآني
حمد شلّ ثقل الحمل ماهتز متنه=وقآل ابشروا بالخير كآن الله احيآني
حمد وانشد المسجد وجملة مصآحفه=الى الحين بصمآته فبيت الله تْبآني
حمد لي لفآه الضيف يسترّ خآطره=ولآ مرّ يومٍ مجلسه دون ضيفآني
على الطيب مع صفّة دلآلٍ مبهّره=ومقلآط ضيفآنه على حيلٍ سْمآني
تقرّبْك منّه في كلآمه ذرآبته=ولآ ينطق الآ معْه ادلّه وبرهآني
تبيّن بنظرآته دهآه وفرآسته=يعرف الرجآل اللي لهم فعل واوزآني
رحل شيخ مآشفنآ بنآدم يشآبهه=ورغم التعب مآ قآل وجعٍ وتعبآني
ثلآث اسنوآتٍ رآفق العجز والتعب=يقول احمد الرآزق على كل مآ جآني
لك الله فقده سبّه لضيقة الصدر=ولآ فيه شيٍ عن طوآريه سلآني
بكتْه الحروف النآدره في قصآيده=وبكيته الين اتعبت بدموعي اجفآني
غريبٍ نزلت بدآر مآهيب ديرتي=احسب انّي ابدلَه ليآ جيت عمّآني
ولكنّ كل مآ زآدت ايّآم غربتي=تنآديني الذكرى وانآ اجي لهآ عآني
قصيدي يحق لْك انْك توقف وتفتخر=مدآمي مصطّر بك اسم مكرم العآني
ألى يآ خليفه مبغي اشوف دمعتك=مدآم ان لك ربْع وبني عم واخوآني
ألى يآ خليفه دنيتك لو تنزيّنت=ترى كل ابن آدم عقب رحلته فآني
ألى يآ خليفه كآن ضآقت ودقّرت=علي بن حمد لي حدّك الوقت عوّآني
ألى يآ خليفه حولك ذيآب عآويه=فلآ تشيل هم الوقت لي دآر وان شآني
انآ ابغيك تحفظ يآ خليفه رسآلتي=عليهآ توآقيعي ورقمي وعنوآني
انآ اشوف فيك انّـك حمد منبع الفخر=وصوفه تليق وتفتخر وتزدآني
ويآعيآل عمّي جعل تبطي سنينكم=عليكم بكسب الطيب وسلوم جدّآني
وكونوا جبآلٍ طول الايآم رآسيه=كمآ طويق شآمخ من قديمآت الازمآني
وقولوا لمنهو يحسب الضوّ جمّرت=بأنّه بذآ التفكير مخطي وغلطآني
فوالله مآ تطفى..جعل عينه الرمد=مدآم ان علي لآ زآل فالبيت سكّآني
رْجآلٍ مشوا في مسلك الذنب والخطآ=يحسبون فيه الزود والزود نقصآني
ترى العآقل ليآ قآل قولٍ يثمّنه=لكنّ السفيه يقولهآ دون ميزآني
عسى الله يكآفينآ شرور آفة البشر=ويبعد وطنهم بعد مكّه عن عْمآني
ألى يآ وليّ العرش دآمك بليتهم=طلبتك بْمآ بليتهم به لا تبلآني
ألى يآ وليّ العرش عبدك وطآلبك=تبيّن لعيني كل مآ كآن يخفآني
ألى يآ وليّ العرش والكون والسمآ=تفرّج لرجلٍ تآلي الليل سهرآني
ألى يآ وليّ العرش يآ رآزق البشر=تثبّت هل السنّه على خير الاديآني
وتقدّيني الطآعه وسنّة نبيّنآ=وترزقني الايمآن باركآن الايمآني
دعيتك وبآبك مآ يسَكّر عن الدعآ=وانآ عبد لك مآنيب عبدٍ للاوثآني
اصلّي لوجهك ذل من عظم هيبتك=عسى تثبت بدرب الهدآيآت سيسآني
وعسى تجيرني يآ رب من جور دنيتي=ومن رفقة الطآلح وضيقة مسيّآني
صلآتي عدد مآ لآح برّآق واشتعل=على المصطفى منسل قريش ابن عدنآني[/poem]

ناصر الله يصبركم ويرحمه ويغفرله ويعوضه الجنة


وصح لسانك لاهنت

اررررررررررحب ياناصر



احسن الله عزاكم وعسى الله يرحم عمك وجميع اموات المسلمين



تقبل تقديري

ناصر

احسن الله عزاك في عمك

الله يرحمه ويغفرله

صح السانك

لك تحياتي

صح لسانك

الله يرحمه ويسكنه فسيح جناته

احسن الله عزائكم وعظم اجركم
وصح لسانك ياناصر على هذه القصيده المؤثره والشارحه للحال

احسن الله عزاك في عمك

الله يرحمه ويغفرله

وصح السانك يااانااااصر

ابو محمد الله يرحم الشايب ان شاء الله


ويجعل مثواه الجنه




وصح الله السانك


والله لايوريك مكروه

الله يرحم وآآلديكم وجعلكم مآآتوآآجهون الشر ولآ تفقدون غآآلي


صح الله بدنكم جميع ولآآآهنتوا