" الظلم بقلوب العباد اجبلّة "

.
[poem=font="Simplified Arabic,6,#091032,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الظلم .. في شِيَم النفوس اجبلّه= قاله ابو الطيب .. وهذا ثابت
حتى الأحبه يظلمون .. إيْ والله= وِاْلُهمْ نفوسٍ .. با لطّـغا .. ما هابت
كم من خليلٍ .. ذاق لوعة خلّه= لو الغلا بين المحاني نابت
وانا ترى عانيت من هـا لعِلّه= وروحي تحت نيران خلي ذابت
لو كنت في دنيا الهوى صافٍ لّه= وانير له .. ليلٍ نجومه غابت
وأفرش له بساط الغلا .. وافلّه= واجيب له ما لا الأماني جابت
واضبط لكيفه من وفايه .. دلّه= الى كِبتْه من الليالي .. كابِت
واصبّ له .. واقول روّق بالله= ما ارتاح .. لين اشوف نفسه طابت
شعور ملهوفٍ خضع له كلّه= هادت معه عوج الضلوع .. و ثابت
هذا وهو يدوّر ورايه زلّه= والى لقى .. قال المحاسن عابت
والعبد نقصه ما عليه اشكلّه= والتوبه تصحّح نفوسٍ تابت
لكنّ علّة ها لبنادم .. علّه= ماتطيب .. لو جملة اعللنا طابت
وانا انادي تلّ قلبي .. تلّه= فدوتك سودٍ من جحودك شابت
وفي وجه وصلي .. سيف هجرك سلّه= لاتذخر الطعنات .. مهما صابت
مادام مالك بالمروّه ملّه= بالظلم .. عادي لو ظنوني خابت[/poem]
.

اررررررررررررحب ياخالد



وصح لسانك يالقرم



قصيدة رائعه من شاعر مبدع



لك تقديري

صح الله اللسااااانك يااااخاااالد


على هااااذي الابيااااات الراااائعه

خالد





صح الله لسانك









ولاهنت







لك تحياتي
ابو احمد

ياسلام ياخالد
قاف رنان وبيت مليان
لاعجمت يالقرم

خالد

صح السانك ولاهنت

قصيده رائعه من رائع

لك تحياتي

اررررررررررررحب ياخالد



وصح لسانك يالقرم



قصيدة رائعه من شاعر مبدع



لك تقديري

[align=center]هادي صح ابدانك

ورأيك وسام يالغالي

تحيتي وتقديري لك[/align].

وانا تـرى عانيـت مـن هـا لعِلّـه
وروحي تحـت نيـران خلـي ذابـت
:
:

ارويت الذائقة بهذا النص المليء بشاعريتك المتقنه

صح الله اللسااااانك يااااخاااالد


على هااااذي الابيااااات الراااائعه

[align=center]اخوي رايد

صح أبدانك

ولا هنت على مرورك

تحيتي لشخصك الكريم[/align]

خالد


صح لسانك


لك تحياتيي يالقرم

صح الله لسانك,,
وتقبل مروري المتواضع,,