سلوة قلب ..!

السلام عليكم ورحمة الله وبركاته

.

.

بعد الغياب بظروف الدراسة اقدم لكم هالمتواضعة

لعلها تشفع لي غيابي المبرر





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ياقلب وقتك ليه تشكي بلاويه ؟=اصبر مدام الوقت هاذي صدوفه ..!

غيرك شكى .. ولالقى من يشكويه=واصبر .. لو ان الحمل مرخي كتوفه

مصبر على اللي فيه .. لوفيه مافيه=لو ان بقعاء كل يومن تلوفه

ياقلب ذا وقتك .. وهاذي مباديه=ولاحدن مع الايام حقق شفوفه..!

هذا فقير .. يدور اللي يعشيه=وهذا غني .. يشكي ويبكي ظروفه

وهذا مريض .. يدور اللي يداويه=وهذا صحيح .. صدوف بقعاء تحوفه

وهذ يتيم .. يدوّر اللي يراعيه=وهذا ابو .. يبكي من عيال جوفه

وهذا سجين .. ومنيته شوف غاليه=وهذا على الباطل .. عيونه شغوفه

وهذا معاق .. مكبـّله عوق رجليه=تدري وش اعظم امنياته ؟! وقوفه

وهذا ضريرن .. صارت اعظم امانيه..!=يتأمل فوجه .. وينظر وصوفه

ياويش اعدّد ..! واجد اللي هقاويه=ازرا يحققها وهي قدم شوفه

الآدمي لولا الامل .. ويش محييه ؟!=دام الامل يولد من اعماق خوفه

احدن بنى المستقبل بشؤم ماضيه ;=واضحى على وضعه يقلب كفوفه..!

واحدن محى الماضي .. وصحح مساعيه=و ناء بنفسه عن مضاجع حتوفه

الصبر سلوة قلب .. وأسمى معانيه ..=عواقبه .. وان طولن مخلوفه

والشؤم ليلن .. غير ماسرّ ساريه=دربه طويل ..وتاليته الحسوفه

والفال صبحن .. لا انبلج وجه راعيه=يضحك .. لو ان الهم جند صفوفه

هذا انا بين العتب والمشاريه=والهم جرّد قدم عيني سيوفه

ابكي على رجمن طوالن مباديه=فارقته وهالحين كثروا ضيوفه

العام اسج الرجل فأعلى مراقيه=واليوم ؟! حتى ماحصلـّي اشوفه

انحيت عنه غصب .. مانيب شانيه=لكن اموت .. ولانسيت معروفه

قلدني وشاحن .. على صدر راعيه=نال الشرف منه .. وزانت حروفه

[/poem]





وسلامة عيون كل من مرأ لهوووون

وهذا سجين .. ومنيتـه شـوف غاليـه
وهذا على الباطـل .. عيونـه شغوفـه
وهذا معـاق .. مكبّلـه عـوق رجليـه
تـدري وش اعظـم امنياتـه ؟! وقوفـه
وهذا ضريرن .. صارت اعظم امانيه..!
يتأمـل فوجـهه .. وينظـر وصـوفـه
:
:

اتقنت كل ماذكرت،ويبقى الأمل في كل شي دوران لعجلة الحياة للأمام ..
صح لسانك والحمدلله على السلامه وبالتوفيق لماتسعى من علم

اررررررررحب يا ناصر

الحمدلله على السلامه

صح السانك ولاهنت

قصيده رائعه من شاعر متمكن

لك تحياتي

ارررررررررررررررحب ياناصر




من طول الغيبات جاب الغنايم



وصح لسانك يالقرم



قصيدة رائعه من شاعر متمكن



لك تقديري

صح الله الساااانك وانا اخوك

على هاااااذي الابيااات الثمينه

الـصـبـر ســلــوة قــلــب .. وأســمــى مـعـانـيـه ..
عــــــــواقــــــــبــــــــه .. وان طــــــــــــولــــــــــــن مــــــخــــــلــــــوفـــــــه
والــــشـــــؤم لـــيـــلــــن .. غـــــيـــــر مـــــاســـــرّ ســـــاريـــــه
دربــــــــــــــــه طــــــــويـــــــــل ..وتــــالــــيــــتـــــه الــــحــــســــوفـــــه
والــفـــال صـبــحــن .. لا انـبــلــج وجــــــه راعـــيـــه
يــضــحـــك .. لـــــــو ان الــــهــــم جــــنــــد صــفـــوفـــه
هـــــــــــــــذا انـــــــــــــــا بـــــــيــــــــن الـــــعـــــتــــــب والــــمــــشــــاريــــه
والــــــــهــــــــم جــــــــــــــــرّد قــــــــــــــــدم عـــــيـــــنــــــي ســـــيــــــوفــــــه



ابدعت بكل شي

ويبقى الامل للقمابيل بالله سبحانه تعالى وحدده..!
صح السانك وافيه

والبيت الاخير وافي حيل


سلمت

مديرنا وحبيبنا
حمد الدليهي
.
.
يشرفني ماقلته يااستاذي ولاهنت
شاكر ومقدر ياصديقي

شاعرنا الرائع

ناصر آل صامل

ياهلا وغلا ومسهلا ياناصر

ياخوي وينك وين كل هذه الغيبه

صح لسانك على الابيات الممتعه والمعبره وانت تعرف رايي في نصوصك الرائعه من مبطي


حضرت للسلام والترحيب ومتابعة هذا النص الفاخر




خالص تحياتي

أخوي ناصر ال صامل

صح لسانك واعتلا شانك

رايعه بروعة حضورك

تقبل احترامي وتقديري

عزيزي الغالي
حسن الوطري

.
.
صح بدنك والف شكر على حضورك واطراءك اللي على رقبتي شرف
لاهنت