بسم الله الرحمن الرحيم
السلام عليكم ورحمة الله وبركاته
أحببت مشاركتكم بإحدى قصائدي المتواضعه. لعلها تحوز على رضاكم..
وهي قصيده بعنوان(الجيب) أقول فيها:_
(( الجـيــــب ))
شفي على موتر(ن) ماعـاد يشرونـه
هو منوة اللي شقا والنفـس يسعدهـا
جيب(ن) جديد الموارد وابيض(ن) لونه
ودي مواتـر جديـده فـي مواردهـا
له فترت(ن) مع طويل الدهر مضمونه
ماهي صناعـة بلـد تفنـى حدايدهـا
كل الدداسن تسـاوي نـص عربونـه
فيـه المزايـا كثيـره لـو أعددهـا
الزيت ثابت مكانـه مـا نـزل دونـه
والبنشري للكفـر ماقـال لـه زدهـا
يرتاح مـن يركبـه مليـان فريونـه
بارد طبيعي سـواة البـرد يصردهـا
والمرتبـه بامتيـازات(ن) ومامونـه
وطبلون جلد(ن) والا ماكثـر فوايدهـا
ماهو بشاريه شايب يحتـري شونـه
والا عجوز(ن) تجمـع فـي قلايدهـا
يقطع ديار(ن) على سرعات مجنونـه
حتى المراصد توهق كيـف ترصدهـا
وليا ضرب رملت(ن) يمشي على هونه
يمشي مهـاره ثقـه ماقـام يجلدهـا
دايم على ضربـة المشـوار قانونـه
كـن المشاويـر بالصـدام يطردهـا
يقودها فارس(ن) مايعـرف الخونـه
ترى الأمور الصعيبـه حـر قايدهـا
ويرافقه حـر مثلـه دايـم(ن) عونـه
ماهو كما اللي يكبـر فـي مساندهـا
ينصون من في اللقا والحرب ينصونه
أهل المعاريـف مـن يقـدر يعاندهـا
وأنـا بغيتـه كـذا لعيـون مزيونـه
واللي يبـا يعقـد الحبليـن يعقدهـا
لعل غيث الهنـا ينـزل مـن مزونـه
على ديار(ن) تسمـى قمـت أرددهـا
هـذا بخطـي كتبتـه لان يقـرونـه
ومن المطابع يبـا ياصـل جرايدهـا
ودمتم سالمين.....
السلام عليكم ورحمة الله وبركاته
أحببت مشاركتكم بإحدى قصائدي المتواضعه. لعلها تحوز على رضاكم..
وهي قصيده بعنوان(الجيب) أقول فيها:_
(( الجـيــــب ))
شفي على موتر(ن) ماعـاد يشرونـه
هو منوة اللي شقا والنفـس يسعدهـا
جيب(ن) جديد الموارد وابيض(ن) لونه
ودي مواتـر جديـده فـي مواردهـا
له فترت(ن) مع طويل الدهر مضمونه
ماهي صناعـة بلـد تفنـى حدايدهـا
كل الدداسن تسـاوي نـص عربونـه
فيـه المزايـا كثيـره لـو أعددهـا
الزيت ثابت مكانـه مـا نـزل دونـه
والبنشري للكفـر ماقـال لـه زدهـا
يرتاح مـن يركبـه مليـان فريونـه
بارد طبيعي سـواة البـرد يصردهـا
والمرتبـه بامتيـازات(ن) ومامونـه
وطبلون جلد(ن) والا ماكثـر فوايدهـا
ماهو بشاريه شايب يحتـري شونـه
والا عجوز(ن) تجمـع فـي قلايدهـا
يقطع ديار(ن) على سرعات مجنونـه
حتى المراصد توهق كيـف ترصدهـا
وليا ضرب رملت(ن) يمشي على هونه
يمشي مهـاره ثقـه ماقـام يجلدهـا
دايم على ضربـة المشـوار قانونـه
كـن المشاويـر بالصـدام يطردهـا
يقودها فارس(ن) مايعـرف الخونـه
ترى الأمور الصعيبـه حـر قايدهـا
ويرافقه حـر مثلـه دايـم(ن) عونـه
ماهو كما اللي يكبـر فـي مساندهـا
ينصون من في اللقا والحرب ينصونه
أهل المعاريـف مـن يقـدر يعاندهـا
وأنـا بغيتـه كـذا لعيـون مزيونـه
واللي يبـا يعقـد الحبليـن يعقدهـا
لعل غيث الهنـا ينـزل مـن مزونـه
على ديار(ن) تسمـى قمـت أرددهـا
هـذا بخطـي كتبتـه لان يقـرونـه
ومن المطابع يبـا ياصـل جرايدهـا
ودمتم سالمين.....
[/align]
تعليق