@@ مدح في شيوخ قحطان @@

[align=center]صلوا على النبي
..........

........

.....

....

..

.[/align]













[poem=font="Traditional Arabic,6,#0D2158,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]


قال السحيمي يوم ربي عانه = مثايلٍ متقلده قيفانه

يرخي لها السامع و يطلب عدها = طرب (ن) لها لبيوتها المليانه

بديت يا فيصل و دوّن عدي = و سجل قصيدٍ ثابتٍ باركانه

دوّن تواريخ الرجال الزحل = اهل القنا و مطوعين اكوانه

من لابةٍ كل العرب تعرفها = صلب العرب و أصل العرب قحطانه

حنا عيال العود يا جاهلنا = من حربنا كل البشر خسرانه

تاريخنا وافي و باقي فينا = من يكسب الناموس من سيسانه

راكب على قب المهار و سرجي = علمٍ يدرّس و الظفر عنوانه

بأذكر على وضح النقا ماعندي = عن كل شيخٍ قد رجح ميزانه

هادي حمى نجدٍ على أيامه = من بعد عثفر حكمه و سلطانه

خاشر سلاطين الجزيره مبطي = يومه عضيدٍ للإمام و صانه

و من بعدها يا قاف عندي نبذه = عن ساس قحطانٍ و عن عمدانه

الله يرحم أبن هادي محمد = سيف قحطان و مقضبه و سنانه

شيخ قحطان و شيخ من قد شاخو = من مقدم التاريخ حتى الآنه

قاد الصفوف و رايته مرفوعه = و جال المعارك حامل(ن) قرآنه

له بصمةٍ في نجد لو ينكرها = صم الصفا ما جمّله نكرانه

لنّه شهير و خابرين افعاله = و السيل كبره من كبر وديانه

و راعي البويضا ما يفوّت ذكره = بيرق بني مضيم و علم شجعانه

ناصر اخو منيره و عزوة ناصر = كم جندلت فارس يكز حصانه

لا من حضر طاري الشجاعه يحضر = اسمه و يحضر قبلها عمّانه

و خليل ابن ناصر كبير العِمّه = يا من نشد عن عِمّةٍ ربحانه

سلايل الشيخ القديم البارز = يفخر به اللي يحتمي ميدانه

و عقبه توّلم يا فخر للتالي = لا جيت أبذكر و الذكر ما شانه

هزاع .. هزاع المراجل ياللي = تنشد عن كفوف العطا و احسانه

قمة وقاره في تواضع نفسه = جعل الجنان البارده مسكانه

و سلطان شيخِ لو بغينا نمدح = ابطى القصيد و نوّخت اوزانه

حنا قحطان و شيخنا يا ناشد = سلطان و من اسمه خذا له خانه

شيخٍ على فعله تبان الشِيخه = ما شاخ ب/اختامٍ و لا بلسانه

و في مدح جدّاني تراني زاهب = و لا بارك الله من جحد جدانه

جدي بطي فارس يخاوي طيبه = راعي البويضا لا نفذ ذرعانه

قدّم على قحط العرب ما عنده = و الناس ما تلقى و هي جوعانه

الذود ماتت و العرب مغّتمه = و العود زاده في بطن ضيفانه

و الآد مسحم طيبهم ما يخفى = هم محزم الشايب و هم فرسانه

و كل قحطاني درعنا فالهيه = لا من تزاحم بالقبس نيرانه

سقم العداء و الضد منهم هايب = و بالحرب يرسل ندهم ب/أكفانه

بمدح و لا لي في المدايح غايه = الا انومس شايبي و اخوانه

من دون حقرانٍ لمن جاورنا = كلٍ على قدره فتح بيبانه

و كل القبايل و النعم لا جينا = نمدح و من فعل الفتى برهانه

المدح في ربعي ينومس ربعي = و المدح في ربعي انا ديوانه[/poem]
















[align=center]

اجمل التحايا
ناصر السحيمي[/align]

بيض الله وجهك وصح الله لسانك يابو بندر



اخوك

صح السانك وبيض الله وجهك ياناصر امتعتنا بالجديد

اللهم صلي وسلم على رسول الله


صح لسانك ولاهنت


تستاهلون الطيب والناموس ياقحطان

ناصر

وفيت ولاهفيت

صح لسانك وابيض وجه

تحياتي لك

اللهم اصلي على محمد
وصح لسانك ياناصر
ونعم بك وبربعك راس وساس ومجدٍ ينومس

اررررررررررحب يابوبطي



وصح لسانك يالقرم



ونعم بصبيان قحطان والسحمه والشيوخ ال قرمله وعثفر العماج ولايهون الحاضر



تقبل تقديري

انعم انعم واكرم بصبيان قحطان

صح الله لسانك ملايين يا ناصر

على هذه الرائعه القحطانيه

ناصر

صح السانك ولاهنت

ونعم فيك وفي ربعك

لك تحياتي

بيض الله وجهك وصح الله لسانك يابو بندر



اخوك

ارحب يا ابو غاده

مرحبا و مسهلا في ذمتي

و صح الله بدنك و وجهك ابيض

تحياتي لك