ماسرت في ليلك وانـا زادي شمـوع
نور الشموع يضيع فـي ليـل حالـك
اشعلت روحي نور ونجومك هجـوع
ولا عكـس وهـاج روحـي هلالـك
:
:
نص متعوب عليه يااسماء ..دام حضورك وشعرك .. صح لسانك
-
شبعت صبر وجمل الله حالك .
[align=center].
بسم الله الرحمن الرحيم
تحيه من القلب لكل قلب ,, اتمنى مايخذلني الاتصال واتمكن من
المشاركه , كما اتمنى ان يكون الجميع بخير حال واطيب فال
’[/align]
[poem=font="Simplified Arabic,6,#475316,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ارجع ورى بالزاد ماعاد بي جوع=شبعت صبر وجمل الله حالك
ومالي بريك , بارك الله بدموع=عزت مقامي عن رجا شح جالك
يامكرم العاني بعد ياس وخضوع=الله غني , ياشين وفر حلالك
ضيفك تعب وهو على الباب مزروع=يوم انتهض عن باب ذلك حلا لك !
من أي جنس او مله اوصنف او نوع ؟=والا انت من سوّك تصنف لحالك ؟
ماتستحي والا الحيا منك منزوع ؟=ياكيف ماتغضي حيا من ظلالك ؟!
ياحبلي اللي في فضا الجود مقطوع=ياحظي اللي مارفعني وصالك
لاواحسافة حشمتي لك , وياروع=قلبي , من اللي غصب عني بدا لك
ياكيف اجيك اول على ماتبي طوع=واذا دعاك الشوق يصعب منالك !
صوتك ولوهو همس واضح ومسموع=واحيان البي لادعاني خيالك
ماقد لفيت الا لك الود مجموع=وانثر غلاي عطور ويطيب فالك
ما فيّ احاسيس الوله شي ممنوع=دنيا مشاعر تمتلكها لحالك
وقلبي على ماوافق رضاك مطبوع=من وين ماناديت لبى وجالك
ماقادني لك حب - لو كان مشروع -=ولاسحر شخصيتك او جمالك
ماسرت في ليلك وانا زادي شموع=نور الشموع يضيع في ليل حالك
اشعلت روحي نور ونجومك هجوع=ولا عكس وهاج روحي هلالك
ولاجيت لي راغب ولاجيت مدفوع=مامن سلوم الطيب شي يعزالك
وكانك تظن تكفر غياب برجوع=وتهين ثم ارضيك , ياهمالالك
ابعد عليك رضاي من حبة الكوع=مانيب انا اصغر واحد من عيالك
شبعت صبر ومر واسقيت بدموع=عيني , ظماي وجمل الله حالك [/poem]
[align=center]وسلامتكم[/align]
اترك تعليق: