ــــ أهوجس هواجيس تجي ضمد وأفراد ــــ

[align=center]بسم الله الرحمن الرحيم[/align]


[align=center]متواضعه

أتمنى

أن

تنال

رضاكم[/align]



[align=center]صلوا على محمد[/align]




[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
أهوجس هواجيس تجي ضمد وأفراد=تضايق بها صدري ولانيب مفضيها
من هموم وقتً عدها يتعب العداد=ثقال مباركها على القلب وأخفيها
أخاف الشماته من حواسيد ونقاد=وأنا هرجة الشمات مانيب أدانيها
أنا من خلقت ألين أقاصر هل الألحاد=وأنا ضد قيل وقال واللي يواليها
ولا لي معا نقالها مجلس ومقعاد=أنا لي شبوح عاليه ليه أدنيها
يحدر على شفه وأنا شفي المسناد=وكلً على غايته رجله يمشيها
والأيام دواره وفلم الزمن ينعاد=وبكره يشوف وتتضح له دعاويها
ولكن ما تنفعك نشدتك يالنشاد= بعد قفت الأضعان عنك بخطاويها
ولو الندامه جمرها في الحشى وقاد=الأموات دمع الحزن ماهوب يحييها
سيوف الرجال الألسنه والسيوف حداد=كثير العرب منها تكدر صوافيها
وجرح الكلام يدوم ماله دوا وضماد=وسومه على الأكباد ما شي يمحيها
يجي مثل نقشة قوم فرعون ذا الأوتاد=إلى اليوم في خد الحجاره مواريها
ولا يدله المجلود لو يدله الجلاد=بعد ما أنس الحره فلاهوب ناسيها
ولو جيت لأسباب الحزازت والأحقاد=لقيت الكلام الشين سبة مناشيها
ورجلاً على نطق الكلام الردي معتاد=معرفته ما تشرا ولانيب باغيها
ويومً يفارق فيه يومً من الأعياد=أبافرح بفرقا جمرةً كنت واطيها
وغيره من الأجواد من يبرد الأكباد=كلامه همومي من على القلب يجليها
أنا طيب الأقوال لي غايةً ومراد=وهو يبغض الهزله ولاهوب يبديها
ترا كلمة الرجال رمية بغير زناد=وأنا خوفتي ممن بلا وزن يرميها
وأصيرالضحيه من لسانً بدون قياد=يبيها على قول العوارف ويخطيها
يحاول يصيد الكلمه الذربه ولا صاد=وضيق علي والكبد مرر حلاويها
وكبدي بأصبرها لكن الخطا لا زاد=أخاف الصبر ياصل نهايته وأعميها
وأنا أحرص على حفظ العلاقه من الإفساد=مع الناس وأهل الطيب بالطيب نشريها
لأن التعامل مزرعة زارع وحصاد=بذور الجماله من زرعها بيجنيها
ولو الجمايل جات في واحد جحاد=فلا أحد يقول النفس خابت مساعيها
قنوف المطر تقبل بها بارق ورعاد=وتمطر ولا ترجي من أحد يجازيها
والآبار في كل إتجاهً وفج وواد=تمد العطى والناس ماهيب تعطيها
وفازت بطيب الذكر والمدح والأمجاد=وهي دبرة الله في الخلايق مسويها
وإلى كثروا الرديان يامكثر الأجواد=هل الخير وأهل الشر كلً يلاقيها
وكلً على ما قيل له مصدر وميراد=والأرض الوسيعه بازيتنا نواحيها
من ضاق من بلدته غير البلاد بلاد=ومن ضاق من صحبته يقطع عراويها
ترا عمرنا معدود والموت بالمرصاد=ومن يطلب رضا الناس ماهوب مرضيها
وخير له يدور رضا سيد الأسياد=هو اللي خلق هالناس واللي بيفنيها[/poem]

[align=center]وســـلامتكم[/align]

سعود بن ناصر العماج

هلابك وصح لسانك وبكل تأكيد نالت اعجابنا .. شاعر جزل وتتمتع بمعرفة شامله وتجارب الحياة

:
:

بعد اذنك اضافة الواو والذي سقط سهواً منّك ..
ولكـن مـا تنفعـك نشدتـك يالنـشـاد

ياسلام ياسعود
هذا والله الكلام الثابت
لاعجمت ولاهفيت

صح لسانك ياسعود

ولاهنت

سعود

صح السانك ولاهنت


قصيده ائعه من رائع

لك تحياتي

صح الله السااااانك


على هااااذى النص الفااااخر


تمتعت بقراءته

لاهنت يالدليهي على مرورك


ولاهنت على التنبيه


لا خلا ولا عدم


اخوك

لاهنت ياسعيد على المرور


نورت المتصفح


وجودك شرف



اخوك

اللهم صلي وسلم عليه

الله يا سعود


بجد ابدعت هنا كثيرا

صح لسااانك ملايين

تحياتي

اخي القدير سعود

صح الله لسانك

لقد ناقشت في هذا النص خلق النميمه الذميم والذي ذمه سيد الخلق بقوله صلى الله عليه وسلم (لا يدخل الجنة نمام)

لما له من اثار سيئة جدا بدأ من الفتنة بين الناس وتوليد الكراهية بينهم والاحقاد


خلق ذميم صرح الشاعر بمقاطعته ومقاطعة من يتخلق به

دمت بالف خير ايها القدير

نايف المحينيش


أسعدني مرورك


لك مني خالص التقدير


أخوك