هم قديــم

السلام عليكم ورحمة الله وبركاته
جديده عساء تنال اعجابكم

[poem=font="Simplified Arabic,5,#000000,normal,normal" bkcolor="" bkimage="" border="groove,4,#400000" type=1 line=1 align=center use=sp num="0,#400000"]
ياضيقتي لاياعذابي وبلواي=وش حيلتي لاضقت والناس حولي
هم(ن) قديم ومختفي في حناياي=هم(ن) يطاولني ليا قلت قولي
اقول والضيقات باقي بقاياي=اللي تبّرك هادرات الفحولي
اتزول ضحكات(ن) مداهيلها شفاي=واتروم صدر(ن) شال نص الحمولي
والضحكة اللي كانت العام وياي=لانيب راجيها ولاهيب حولي
ماحولي إلا دمعة(ن) تفرح اعداي=لا حدّرت قالوا عسى ماتزولي
هذا وأنا اللي تفعل الطيب يمناي=وامشي على وضح النقى من فعولي
وريث طيب ولابعد شح مخباي=وعلى المراجل لاشعبت الذلولي
اعرف مراويحي ليا قلت منصاي=ومانصى ردي المعرفه والجفولي
ولو شابوا العربان ماشاب معناي=شاعر وجزلات المثايل ميولي
لكن زمان الشين لاخالف احكاي=أوميت قافي عرض وأوميت طولي
أمشي وهرج الناس ماخالف اخطاي=وأهل الردى بين القدم والنعولي
اطرق على قافي وغنيت مغناي=واكفوف جمهور الشعر صفقولي
أشيل ما شال الجمل يوم مسراي=ولا التفت فيهم واقول افزعوا لي
اللي تقفاني ليا شلت شلفاي=ولا جيتهم ترحيبهم بي يهولي
اوطى على روس الحيايا بموطاي=وعليك يالحاسد وراس العذولي
لله ربي يوم غنّيت مشكاي=ماهيب للعربان ذولى وذولي
ويالله خفف هم قلبي وبلواي=قلبي صبور وحزن قلبي يطولي[/poem]

صح الله الساااانك وانا اخوك

نص راااائع

والله يسعدك في الدنيا والاخره

لاعجمت والله
قاف ومعنا ومبنا
صح لسانك ياعلي

اررررررررررحب ياعلي



وصح لسانك يالقرم



قصيدة طيبه من طيب



لك تقديري

علي

صح السانك ولاهنت

قصيده رائعه من رائع

لك تحياتي