عمال النظافه

[poem=font="simplified arabic,5,darkblue,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black""]


غيرتك الحضاره يالحمادين؟=صرت تستاحش الليل وتخافه؟
بعد ماصرت ساكن بين جدرين=صار طبعك رقيق وبك لطافه!!
ليه يالطير خفاق الجناحين؟=صار حتى مطيرك به كلافه!!
خابرك صعب تخضع للقوانين=فوضوي ومزاجك به صلافه
وش حصل بعد عديت الثلاثين؟=كنك اللي ترك عمره خلافه!!
اسئله حايره من قبل يومين=والاجابه فراغات ومسافه!!
المسافه طويله بين عمرين=في طريقً طويل آآخر مطافه
دمعةً حولت من محجر العين=والله ماحولت من شئ تافه!!
اتفكر واشوف يسار ويمين=كن هالكون يشكيلي جفافه
والله اني مااغبط اهل الملايين=قبل مااغبط عمال النظافه
لأنه الفرق شاسع بين الاثنين=يكفي الثاني الراحه لحافه!
راحة البال والصحه مع الدين=لوّ ماصار مانشيت الصحافه
نعمةً لو درو عنها السلاطين=صاروا الصبح عمال النظافه!![/poem]

ناصر

صح السانك ولاهنت

قصيده رائعه من رائع

لك تحياتي

ارحب ياناصر
صح لسانك عدد معانيها وحروفها
لاهنت
تحياتي

دمعةً حولت من محجر العيـن
والله ماحولت من شئ تافـه!!
اتفكر واشوف يسـار ويميـن
كن هالكون يشكيلـي جفافـه
والله اني مااغبط اهل الملايين
قبل مااغبـط عمـال النظافـه
لأنه الفرق شاسع بين الاثنيـن
يكفي الثاني الراحـه لحافـه!
راحة البال والصحه مع الدين
لوّ ماصار مانشيت الصحافـه
نعمةً لو درو عنها السلاطيـن
صاروا الصبح عمال النظافه!!

:
:

مرحبا ياناصر ... صح لسانك على هذا النص الذي من خلفه نص لك والأخر لنا

راحة البال والصحه مع الدين
لوّ ماصار مانشيت الصحافـه



ارررررررررررررحب ياناصر



وصح لسانك يالقرم



قصيدة شاعر مبدع ومتمكن



لك تقديري

صح الله اللساااااانك وانا اخووووك


على هااااذي الدرر المتلاااالئه

عَجيييب فـ اكثر ياناصر ..

وسَلِس وسهل مُمتَنِع !

اشكرك

الى مالانهائيات الشكر

.
.
.

دُمت و دام أَلَقُك