قبل الوداع استاذنك ودي ابكيك..

[align=center]قبل الوداع ..[/align]

[poem=font="Simplified Arabic,6,#FCFCE1,bold,normal" bkcolor="" bkimage="images/toolbox/backgrounds/21.gif" border="none,4,#400000" type=2 line=0 align=center use=ex num="0,#400000"]
قـبـل الــوداع استـأذنـك ودي ابكـيـك=ودي ابـــرد حــــرة الــدمــع فـيـنــي

من عقبها روحي عسـى الله يهنيـك=والله يصـبـرنـي لـبـاقــي iiسـنـيـنـي

لاتـذرفـيـن الـدمــع بـفــراق غـاليك=ولاتحزنيـن ان هـلـت الـدمـع عيني

انـا قضـاي امـوت بــك وانـدفـن فيـك=واعشق جنون انسان مجنـون فيني

بــاالله لاتطـريـيـن مـاضــي ليـاليك=وان حــل موعـدنـا فـــلا تحتـريـنـي !!

وان مـر طيفـي فـي خيالـك يجـاريـك=صـدي مـدامـه عـهـد بيـنـك وبيني

لا والــذي خـــلاك مـانـيـب نـاسـيـك=وادري عــقــب فــرقــاي تتذكريني

تصدقي محتـار مـدري وش اهـديـك !=يمـكـن تلعثـمـت الـكـلام اعذريني

خلي حروف اسمي على راحة ايديك=والـيـا دعيـتـي خالـقـك..ناظـريني

قولـي : عسـى ربـي يحقـق امانيـك=لـــو ان عـقـبـك دنـيـتـي ماتبيني

وبطلبك..قولـي لـي اطلـب وبعطيك=بــــا الله قـولــهــا ولا تـنـشـديـنـي ii!

ان جــاك مـولـود ابحـيـاتـك يحاليك=سميه (خالد ) لاجل اشوفك..بعينـي

والحيـن روحـي جعـل ربــي يهنيك=صرتـي نصيبـه والبقـا فـي iiسنينـي[/poem]

ارررررررررررررحب ياخالد



وصح لسانك يالقرم




قصيدة رائعه من شاعر مبدع



لك تقديري

الله على هاذى النص الرااائع


صح الله السااانك واناااا اخوووك

الله عليك ياخالد

بالرغم من كم الشجن الهائل

الا انها عذبة ورقيقة ورائعه بكل معاني الكلمة

صح الله لسانك حتى ترضى يا خالد

خالد

صح السانك ولاهنت

قصيده وافيه ما عليها كلام

لك تحياتي

ان جاك مولود ابحياتـك يحاليـك
سميه (خالد ) لاجل اشوفك..بعيني

:
جميل ياخالد ودائماً تتحفنا بــ ِ بوح العاشق المخلص

قبل الوداع استأذنـك ودي ابكيـك
ودي ابـرد حـرة الدمـع فيـنـي
من عقبها روحي عسى الله يهنيـك
والله يصبرنـي لباقـي iiسنينـي
لاتذرفيـن الدمـع بفـراق غاليـك
ولاتحزنين ان هلت الدمـع عينـي



نبيل بتضحيتك حتى بالدمع صح السانك واعتلاشانك

جميل هذا الاستئذان ياخالد
وجميل هذا البوح من القلب المحب
لاعجمت يالذرب

اهلا بالجميع وصحت ابدانكم