رمضان بين الحاضر والماضي

السلام عليكم ورحمة الله وبركاته وكل عام وانتم بخير

متواضعة أتمنى ترتقي لسمو ذوائقكم

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

سلامً عليكم كلكم يا وجيه الخير=من الشاعر اللي عاصر آباه واجداده

عسى الله يجعل كل عام الجميع بخير=ويجعل عبادتنا عبادة ماهي عاده

ثلاثين عام أي والله تغيّر الكثير=وأموراً طواها الوقت ماهي بمنعاده

زمانً مضى عصيب لكن طعمه غير=ما كان الصيام الا مثل ماهو عباده

لكنّه لذيذ ولذّته ما تبي تبرير=لأنّ النفوس لطاعة الرب منقاده

تذكّرت من وصلتني رسالة التذكير=على كيف كان يمرّنا الصوم واعياده

هذاك الزمان اشدّ واقسى من المرير=لكن العرب كانت على الصبر معتاده

إلى شافوا هلال الشهر بشّر البشير=شحن بندقه واطلق من الفرحة زناده

ذاك الحين ما نعرف سنبوسة ولا عصير=نعرف شعثا والا لبن مابه زياده

ونشرب من القربة إذا كان مابه زير=ولا فيه ثلاجة ولا فيه برّاده

ولا فيه غاز الا ضويًّ لها هرير=ننحّر عليها البنّ لى فاح بقناده

ونركب عشانا لا مغربٍ ولا بعصير=ظهور الاثاثي والحطب يوقد أوقاده

على شان كان الليل يعمى به البصير=ولا عندنا ما نستعينه على إبعاده

فطور وعشا مفصولة بفارق التحضير=وبعد العشا جلسة سواليف وانشاده

ونفتح على الرادو إلى جات فوازير=ومعمّ شايبنا على بدة شداده

ما كان نعرف تيفي ولا نت ويش يصير=ولا نعرف المقهى ومن كان يرتاده

وإلى زلّ قيمة ساعة ونصف بالتقدير=وقرب الفواق أرزم من أمثال جلاده

وقمنا لها بالسطل سطلٍ ماهو بصغير=وجبناه والرغو الهوا ينسف ابداده

غبوق وصلاة ونوم حتى الربع الأخير=وننهض لتحضير السحور أقصد إعداده

حسب ما تيسر قرص والا لبن وتمير=ولا اهنى من اللي ربه يبارك بزاده

وإلى اشتدّ حرّ الشمس والظلّ جا قصير=وقام العطش يقدّ الاكباد قدّاده

أتينا ندوّر للندى في ضفاف البير=على الأرض مابه لا فراشٍ ولا وساده

نبلل ملابسنا نقزّر بها تقزير=نمضّي كذا ولكلّ منا تعقّاده

نحسّ إنّ كنّ الوقت واقف ماهو بيسير=بما انّ الضما والجوع يعدّ عدّاده

ونسجد على الرمضى مع الشمس والهجير=والا اليوم هذا سجدةً فوق سجّاده

وإلى جاء نهار العيد شي من التعبير=ركزنا النصع والموت لا صاد من صاده

ودارت عزايم واندرج دول مسايير=عساكم ومن يقول من ضمن عواده

هذي تعتبر لوحة من الرسم والتصوير=أقدّم بها لكم عن الماضي إفاده

أما الآن ما يحتاج شرح ولا تفسير=يحدّث لسان الحال ويجيب نشّاده

غدير وعذير وكل ما نشتهي وفير=زمان الرفاهية زمان التمداده

وش ناكل وش نشرب وش نخلّي من التبذير=ننام النهار ونحيي الليل بسهاده

سرير وحرير وللهوا الباردة صفير=الافطار ياتي ما درينا بميعاده

عسى الله يديم الخير واليسر والتيسير=زمان وزمان وكل ومنها له اجواده

[/poem]

هـــــذي تـعـتـبــر لــوحـــة مـــــن الــرســـم والـتـصــويــر
أقـــــــــــدّم بـــــهــــــا لـــــكــــــم عـــــــــــن الـــمــــاضــــي إفـــــــــــاده
لوحة!!
الا قل لوحات
انا اشهد انها شرح مفصل يرسم على تعابير وجه من عاصر تلك الحقبة الزمنية الابتسامه
وعلى وجه من لم يعاصرها الدهشه والتعجب
لله درك يامسفر ما اجمل اختيارك لموضوع النص
وما اجمل تعبيرك وسردك لمحتواه
لاعجمت يالقرم

بيض الله وجهك وانا اخوك

وصح الله الساااانك

على هاذى النص الشاااامخ

ونعم المعاصر يامسفر
كلها مكاسيب لا تقدر بثمن


صح السانك

مسفر

صح السانك ولاهنت

قصيده رائعه من رائع

لك تحياتي

سعيد الاكلبي
رايد بن نملان
عبد الهادي ال كحلة
حسن الوطري

صحت أبدانكم جميعا ولا عليكم زود الله يرفع قدركم ويرضى عليكم

شكراً لتشريفكم متصفحي بهذا المرور الجميل

تحياتي

ارررررررررررحب يامسفر



وصح لسانك يالقرم



قصيدة لايكتبها الآ شاعر متمكت ومبدع



تقبل تقديري

أما الآن مـا يحتـاج شـرح ولا تفسيـر
يحـدّث لسـان الحـال ويجيـب نشّـاده
غدير وعذيـر وكـل مـا نشتهـي وفيـر
زمـان الرفاهـيـة زمــان التـمـداده
وش ناكل وش نشرب وش نخلّي من التبذير
ننـام النهـار ونحيـي الليـل بسـهـاده
سريـر وحريـر وللهوا البـاردة صفيـر
الافطـار ياتـي مـا دريـنـا بميـعـاده
عسى الله يديم الخيـر واليسـر والتيسيـر
زمان وزمان وكـل ومنهـا لـه اجـواده

:
:
لامانع ان يواكب رمضان العولمه صح لسانك واجدت بالفعل ان تجسد تصوير الحاضر والماضي