حطب ملاح

[align=center]
..


..


حبيبي ؛ والمسا كفكف ذلايق شملته ؛ وانـزاح
...................................وانا ما زلت في " عين المكان " ؛ أتأمّلك تاتـي
يسوق الفجر تالي ما بقى من ليل ؛ للمسـراح
..................................وانا احبس ما بقى بي من صبر ؛ في كمّ دمعاتي
غدا حزني " نداوي " والجفا منّك ؛ غدا ملـواح
..................................أبيّ أطلق جناحي ؛ واتحاشى طيـش هقواتـي
لو إن الدمع لا منّي طلقتـه ؛ خاطـري ارتـاح
.................................فتحت إله الطريق بكل نقطـة ؛ فـي مساماتـي
حبيبي ؛ وش بقى لي مالأمل كثر الذي قـد راح
...................................وانا ما زلت تايه بيـن حلمـي ؛ وانفعالاتـي
مثل ذاك الجريح اللي ترجّـا مشـرط الجـراح
..................................رغم ما يكتنفـه مـن الوجـل متأمّـل الأتـي
حبيبي ؛ والحزن هير عميـق يربـك السّبـاح
...................................وانا انفاسي تسابق ؛ في طلب محّار حصباتـي
تحاصرني صواري ليلتي ؛ وانا حطـب مـلاح
...................................لفض زبد البحر حلمـه وراه بموجـه العاتـي
بقى لك في طرف كمّي ؛ شذى يشمومك الفواح
...................................هو الشي الوحيد اللي بقى لـي مـن خياراتـي
سريع الوقت يركض بي ؛ جويع والعمر تفـاح
...................................نضج في عين وقتي وانثنى ؛ في كفّه مواتـي
برد دفء الكلام اللي ؛ جمعته لك شجن وافراح
..................................تصاعد بي رذاذه ؛ وامطـرت غيمـة معاناتـي
فضحني الصبح واقف ؛ واتأمّل لين جفني طاح
...................................عرفت إنّك وفيت الواقعك ؛ واسنت طموحاتـي

..




..



م.س. [/align]

برد دفء الكلام اللي ؛ جمعته لك شجن وافراح
..................................تصاعد بي رذاذه ؛ وامطـرت غيمـة معاناتـي
فضحني الصبح واقف ؛ واتأمّل لين جفني طاح
...................................عرفت إنّك وفيت الواقعك ؛ واسنت طموحاتـي



القدير محمد


تحضر فيحضر الشعر بمعيتك
قصيدة جميلة من شاعر يسعدني متابعته
صح لسانك وسلم فكرك



تقديري

ابو سالم

صح السانك ولاهنت

قصيده رائعه من رائع

لك تحياتي

محمد


صح لسااانك ملايين


قصيدة اعجبتني كثيرا

تحياتي لك

ابوسالم

شاعر الخبره والتجارب والتمكن ..
هلابك وتواصل يسعدنا دائماً ..
صح لسانك
تقديري لك