Tweet
[poem=font="Simplified Arabic,5,#0015FF,bold,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]
ياهاجسي وان جيت سنّدها على الرجم المنيف=تلقى الذرى وصقور عز ٍ تحتمي مدهالها
العب على طاروق فكري لين يلمع كل سيف= حتى تجيك أم الطواري تستحث عيالها
مواجع ٍ في خاطري تجتاحني في كل صيف= لما اغتشت سودة عسير وهل مزن خيالها
تعبت وأتعبني السهر والحب يادنيا كليف= كم ونة ٍ بين الضلوع العوج تشكي حالها
لاناموا السالين وأقبل داجي الليل المخيف= قامت هواجيسي تردّد في الحشاء موالها
وين العهد مادامه يقرّب حليف ٍ من حليف =والا الظروف أحكامها تفرض نعيش أحوالها
أحّاه ياقلب ٍ طواه الهجر والفرقى رديف= والعمر يفنى والبشاير مالفى مرسالها
طاف الوعد ورى الوعد ياليل والمقصد شريف= لما وردنا نرتوي من سلسبيل زلالها
وان ضاقت دروب المعنّى وازدحم جال الرصيف= ولالقى له حيلة ٍ في طرقته يحتالها
لابد يصبر والركايب مايباريها ضعيف= وأهل النقاء ماتنقصر دون العدود حبالها
دام الوفاء بيرق عزاز ٍ له على القمة رفيف= ماهمنا بعض البشر لو كثّرت ولوالها
ياحضرة الجوال لاتجحد حقوق المستضيف = مادمت ضيف ٍ لي عطيتك دقّها واجلالها
ماهو بحق ٍ تقطع حبالك من ذراع الكفيف = في حزة ٍ عوص النجايب تنتخي خيالها
خلّك معي نلعب على طرق الهوى من كل كيف = ونشرب شخيل الدلة اللي فايح ٍ فنجالها
لوكان مالي غير همس الصوت والهرج العفيف = من راس غرو ٍ ديرته صعب ٍ علي ميصالها
لا ياوليف الروح مالك في حشاء صدري وصيف = دام المشاعر تصطفق من جالها لاجالها
عطيتك أصدق ماتكنّه مهجة القلب النظيف = وأجمل عبارات الغزل بألوانها وأشكالها
ورديت لي خمس طعنات ٍ من شبا الحد الرهيف = من وقع نظرات العيون اللي تحد سلالها
بالله سولف وانزع قناع الخجل يا أغلى وليف = مليت أنا من هاجس الفرقى ومن غربالها
تسوقني لك نوضة البرّاق وأوراق الخريف = وذكرى الديار اللي مشيت سهولها وجبالها
لبّيه لا اقبلت اتّمايل وانثنى الخصر النحيف= وعطرك يصافح ياعذابي غترتي وعقالها
ونظرة حنان ٍ من عيونك يالله الطف يالطيف= لاسلهمت بأم الرموش اللي يظل ظلالها
ليلة هناء يبرق سعدها في مقاديم القنيف = هتّانها دمع الغلاء والخير في مقبالها
في جيتك كنّي ملكت أكبر رصيد ٍ في جنيف= ولاهمّني باقي الحياة خفافها واثقالها
الحب يا اهل العشق لذّاته من الشيء الخفيف = آقولها واللي تمعّن في زمانه قالها[/poem]
ياهاجسي وان جيت سنّدها على الرجم المنيف=تلقى الذرى وصقور عز ٍ تحتمي مدهالها
العب على طاروق فكري لين يلمع كل سيف= حتى تجيك أم الطواري تستحث عيالها
مواجع ٍ في خاطري تجتاحني في كل صيف= لما اغتشت سودة عسير وهل مزن خيالها
تعبت وأتعبني السهر والحب يادنيا كليف= كم ونة ٍ بين الضلوع العوج تشكي حالها
لاناموا السالين وأقبل داجي الليل المخيف= قامت هواجيسي تردّد في الحشاء موالها
وين العهد مادامه يقرّب حليف ٍ من حليف =والا الظروف أحكامها تفرض نعيش أحوالها
أحّاه ياقلب ٍ طواه الهجر والفرقى رديف= والعمر يفنى والبشاير مالفى مرسالها
طاف الوعد ورى الوعد ياليل والمقصد شريف= لما وردنا نرتوي من سلسبيل زلالها
وان ضاقت دروب المعنّى وازدحم جال الرصيف= ولالقى له حيلة ٍ في طرقته يحتالها
لابد يصبر والركايب مايباريها ضعيف= وأهل النقاء ماتنقصر دون العدود حبالها
دام الوفاء بيرق عزاز ٍ له على القمة رفيف= ماهمنا بعض البشر لو كثّرت ولوالها
ياحضرة الجوال لاتجحد حقوق المستضيف = مادمت ضيف ٍ لي عطيتك دقّها واجلالها
ماهو بحق ٍ تقطع حبالك من ذراع الكفيف = في حزة ٍ عوص النجايب تنتخي خيالها
خلّك معي نلعب على طرق الهوى من كل كيف = ونشرب شخيل الدلة اللي فايح ٍ فنجالها
لوكان مالي غير همس الصوت والهرج العفيف = من راس غرو ٍ ديرته صعب ٍ علي ميصالها
لا ياوليف الروح مالك في حشاء صدري وصيف = دام المشاعر تصطفق من جالها لاجالها
عطيتك أصدق ماتكنّه مهجة القلب النظيف = وأجمل عبارات الغزل بألوانها وأشكالها
ورديت لي خمس طعنات ٍ من شبا الحد الرهيف = من وقع نظرات العيون اللي تحد سلالها
بالله سولف وانزع قناع الخجل يا أغلى وليف = مليت أنا من هاجس الفرقى ومن غربالها
تسوقني لك نوضة البرّاق وأوراق الخريف = وذكرى الديار اللي مشيت سهولها وجبالها
لبّيه لا اقبلت اتّمايل وانثنى الخصر النحيف= وعطرك يصافح ياعذابي غترتي وعقالها
ونظرة حنان ٍ من عيونك يالله الطف يالطيف= لاسلهمت بأم الرموش اللي يظل ظلالها
ليلة هناء يبرق سعدها في مقاديم القنيف = هتّانها دمع الغلاء والخير في مقبالها
في جيتك كنّي ملكت أكبر رصيد ٍ في جنيف= ولاهمّني باقي الحياة خفافها واثقالها
الحب يا اهل العشق لذّاته من الشيء الخفيف = آقولها واللي تمعّن في زمانه قالها[/poem]
[/align]
تعليق