عبدالله وسلطان

[align=center]لتجديد الولاء والوفاء لقادتنا حفظهم الله..



لعيون عبدالله ولعيـون سلطـان
ولعيون قادتنـا وشبـه الجزيـره

فزي طرب يابنت شعري علشـان
نطرب جماهير القصيـد الغفيـره

وقافً قصر عن دارنا دار الايمـان
مافيـه خيـر ولا براعيـه غيـره

ولافرع الهاجس وجريت الالحـان
زانـت معانيـه وزان تعبـيـره

حنا فدا للـدار شيـب وشبـان
وحنا ذراهـا فالليـال العسيـره

ومادامنا في ظل ابومتعب اخـوان
يخسون حزب اهل النوايا الحقيـره

سلام ياشيخً لـه المجـد عنـوان
ياقايـد الامـه وراع المسـيـره

سيره وفا سيره عطا سيره احسـان
سيره شجاعً للعلا حـث سيـره

والله يخلي راعي الجـود سلطـان
حرز الوطن سور الدفاع ووزيـره

ونايف ملاذ الشعب من كل شيطان
وسلمان راعي الاولـه والاخيـره

هذا وانا من لابةً تقضـي الشـان
اهل المشوك والفعـول الجديـره

هواجر رووس ومن روس قحطـان
يامن بنا الي طامـعً بـه قصيـره
[/align]

صح لسانك على هذه الجزاله,,,,
وتقبل مروري,,,,

محمد آل حماد

انت هنا غير ومجمّل في نص ولائي ومحكم بنسبه كبيره حسب الغرض المراد ..

تقديري لك وصح لسانك

صح لسانك على هذه الجزاله,,,,
وتقبل مروري,,,,

اررررررحب يامحمد

وصح الله بدنك

ولاهنت ع المرور

محمد

صح السانك ولاهنت

قصيده طيبه من راس طيب

لك تحياتي