حقك عليّه

[poem=font="Simplified Arabic,5,#160CF7,normal,normal" bkcolor="undefined" bkimage="images/toolbox/backgrounds/8.gif" border="none,4,#400000" type=0 line=0 align=center use=sp num="0,#400000"]
قال من غنّا بالابيات الجزيلات القويّه = ما يجيب الاّ سمان الهرج ما جاب الهزالي
باعطي الجاهل قبل لا ينقل الشرهه وصيّه = تمنعه من ردّنا لا امتسّ مفتول الحبالي
كان ما قسمك من المسيار غير الشاذليّه = فاحمد الله يومها عادة كريمين السبالي
والله انّا لو حسب قدرك عطيناك العطيّه = كان ما سقنا لك الفنجال من صفر الدلالي
خابرين السوق وان جيناه ما سمنا رديّه = مانسوم الاّ السمين و نشتري لو كان غالي
وان وزنّا نوفي المكيال ما نرضى الخطيّه = نرخص اثمان الخفاف و نغلي اثمان الثقالي
كل يومٍ للنشاما صوبنا روحه وجيّه = ما جهل حتى صغيّرنا مواجيب الرجالي
نكرم الضيفان في شهب السنين الاوليّه = و في رقاب الحيل خضّبنا الرهيف من السلالي
والديار من الرجال العارفه ماهي خليّه = رح تخيّر من بغيت من الشيوخ ولا تمالي
تدّعي له ،، و اتّقي ،، والخافيه تصبح جليّه = و ننعقل ،، والحقّ نبرك له مباريك الجمالي
فان ثبت لك في السنين الماضيه كفّ ٍ نديّه = أو شهد لك بالكرم ضيفٍ ضواك احد الليالي
قم تشرّه و اكسني ثوب الردى حقّك عليّه = لين ترضا لو تحمّلني ثقيلات الجبالي
غير كلّ ٍ يخبر علومك ترى ماهي خفيّه = ما تحصّل واحدٍ يشهد لك بطيب الفعالي
استلمها من على خدّك مثل وسم المطيّه = لطمة الموقف ولا صوت الطويل من الجدالي[/poem]

خطيـــــــــــر ياظافر
تدّعي له ،، و اتّقي ،، والخافيه تصبح جليّه
و ننعقل ،، والحقّ نبرك له مباريك الجمالي
صح لسانك

نص ظافر ياظافر

تقديري

خوي المطاليق



صح لسانك ملايين




نص جميل




تقبل مروري وأعجابي




تحياتي لك

أخوي ابو عبدالله


صح لسانك واعتلا شانك


رايعه بروعة حضورك


تقبل احترامي وتقديري

صح لسانك ياخوي المطاليق جزل ومعودنا على الجزال

كل يومٍ للنشاما صوبنا روحه وجيّهما جهل حتى صغيّرنا مواجيب الرجالي
نكرم الضيفان في شهب السنين الاوليّهو في رقاب الحيل خضّبنا الرهيف من السلالي
والديار من الرجال العارفه ماهي خليّهرح تخيّر من بغيت من الشيوخ ولا تمالي


صح السانك



خوي المطاليق


تحياتي

ظافر.

صح لسانك !

لاهنت على القصيدة الفاخرة !!

دمت بخير !

تحياتي!

صح الله الساااانك وانا اخووووك

جزله من رااااس جزل

لاعدمناااااااك

ظافر

صح السانك ولاهنت

قصيده رائعه من رائع

لك تحياتي

كفووووووووووووووصح الله لسااااااااااااااااااااااانك
وابن جدلان قالها قبلك
رجالٍ تعداه المشاريه..لا يشره
اقديت فيه
وشررررررررررحك سراااااااااااااااااا