طالت الدعوى

[poem=font="Simplified Arabic,4,#E91905,bold,normal" bkcolor="" bkimage="images/toolbox/backgrounds/40.gif" border="none,4,#400000" type=0 line=1 align=center use=sp num="0,#400000"]
يقولون في ليل الغزل صار لك مضوى = وحنّا نخبرك ما تدانيه و تذمّه
وانا اقول حالي حالكم ما قدرت اقوا = على كتم سرّ ٍ بالحشا زايدٍ همّه
وكم كنت اخفّي علّة القلب في رجوى = تدور الليالي واهدم العلم وادمّه
وذا اليوم ابيّن ما خفا واكشف النجوى = و اغنّي واجرّ الصوت في عالي القمّه
على من فراقه سبّة الضيم والبلوى = وليفٍ تقول انّه خذا القلب في كمّه
سرابه ولا ادري من عليه ارفع الشكوى = على قاطعين الحق والاّ بني عمّه
اذا قلت له عذبتني قال لي حلوا = ويضحك وانا اشكي من سواياه ما همّه
واذا سجّ قلبي عن طواريه وتشلوا = يعرّض عليه وينقض الجرح ويخمّه
رموشه تقول سيوف لا جالها مهوى = تصيب العقيد و تفرق الجمع واللمّه
وله مبسمٍ كنّه من الدمّ يتقهوا = لمنّه ضحك به يبرق اللول في فمّه
واذا زاح خصلات الشعر بيده الرخوا = سطع نور بدرٍ يوم رابع عشر تمّه
وصوته تقول بليّن الهرج يتلهوا = عيون الخلايق لا نطق تلتفت يمّه
ليا اقبل ،، مع ليّ الحشا خافقي يلوا = تلوّي السيور اللي على الخصر ملتمّه
ولا اقفى ،، غدا حالي مع خطوته يطوى = كما طيّ ثوبه فوق الارداف لا زمّه
ليا لفّ وجهه عقب صدّه وقلت اشوا = رفع نظرته عن موقعي واخلف اليمّه
ولا ادري بخيلٍ يحرم النفس ما تهوى = أو انّه زعولٍ من سوالف هل النمّه
نصيت المطوّع لجل يعطيني الفتوى = و يقرا علي قلبي عسا ينكشف غمّه
وساعة نطقت بزبدة الهرج والفحوى = لقيت المطوّع يحذف البشت والعمّه
فاذا كانه اخلف راعي الدين والتقوى = فمثلي بعذره يوم ينسا حليب امّه
مهب عيب نفسي تاصل حدودها القصوى = وقلبي مهب عيبٍ ليا جاته مطمّه
تصبّرت لكن يا عرب طالت الدعوى = ودعوا الهوى لا طوّلت تضعف الهمّه
إلين الغزل في ليلته صار لي مضوى = وانا كنت اجنّب عن قوافيه واذمّه[/poem]

ارحب يارجال

الله واكبر ياظافر
تصبّرت لكن يا عرب طالت الدعوى
ودعوا الهوى لا طوّلت تضعف الهمّه
الصبر مفتاح الفرج !!

مهب عيب نفسي تاصل حدودها القصوى
وقلبي مهب عيبٍ ليا جاته مطمّه
لا والله ماهوب عيب ... معك واااجد مانتب لاحالك

صح لسانك ولاعجمت .. مخزونك الشعري عالي الجوده

صح اله الساااانك ياوجه عبدالله

وانت جزل في كل المجااااالات

ابو عبدالله

صح السانك ولاهنت

قصيده طيبه من راس طيب

لك تحياتي

ابو عبدالله

صح لسانك وصح قلبك


قصيده واتفيه ومن راس وافي


لاهنت ولاهان هذا الحضور


مشهوووور....

الشاعرية والجزاله

عنوان يلازم اسم خوي المطاليق

ظافر القحطاني


وقصيده تعانق سماء الابداع والجزاله

دمت بخير


اخوك