يالله عسى من لامني فـ/ حب قحطان ..!!

صبااحكم // مسااكم شعر ..



//







\\









/

\



[poem=font="Simplified Arabic,5,#5D52A7,bold,normal" bkcolor="" bkimage="" border="none,4,#400000" type=2 line=0 align=center use=sp num="0,#400000"]

يالله عسى من لامني فـ/ حب قحطان=يصبح عليه الصبح والضيم حاديه
حتى يعرف إن الرياجيل أحيان=أطيبهم اللي لا قسى الوقت يجفيه ..!
ويا لايمي في حب الأجواد غلطان =ترى الذهب معروف غشه وصافيه
أحبهم وأهرج بهاا سر واعلان=حب النقا ماني عن الناس مخفيه
قبيلةٍ يهذي بهاا كل ميدان=شف الغريم اللي تهاوت عزاويه
أرررحب هلا حييت من قلب لسان=زين النبا يا حي من هو يحييه
وقفااتهم لا ثور الجيش دخان=لو يعترض سنجار ما تبتلش فيه
الله خلقهم للمواقيف عنوان=أقرا وغيري فالمخاليق قاريه
عدٍ يصدر وارده عنه ضميان=وعدٍ قبل يارد على الجال يرويه
وفزعة " بنو قحطان " من غير تبيان=منهم سقاا هداج تيما ضواميه
سبحانه اللي شمخ الطيب سبحان=كنه على قحطان شيد مبانيه
واللي يبا ياخذ على القول برهان=شطرٍ وسمته من حلالي وأبا أبديه
ينشد ليا منه وصل آل سفران=عن موفي الحاجات مكرم عوانيه
عبدالله اللي // مرتكز بين سلطان=اسمٍ قدم .. واسمٍ على العز تاليه
ويعاين المقصود كله على شان=أما قنع بالقول شوفه يقديه
هذا وأنا من مزبن الجود عتبان=قومٍ لنا في سلم المجد عاليه
هداتنا يرجح بها كل ميزان=بأدنى جهدنا يبلغ العلم قاصيه
ذباحة الحايل وللعرف بيبان=لطامةٍ يا ويل من هو نعاديه ..!
ورثة أبو عن جد عن جيل جدان=عاداتنا ما هيب سمي واسميه
العام حنا والقحاطين عدوان=واليوم كلٍ له رفيقٍ يخاويه
ولا ياصل المرقاب من غير جنحان=طيرٍ بدا .. لو قيل زانت مواريه
"وما قل دل وزبدة الهرج نيشان" =بيتٍ على راكان بأختم وأغنيه
ويالله عسى من لامني فـ/ حب قحطان=يصبح علاه الصبح والضيم حاديه[/poem]

اررررررررررررررحب ياعايض



وصح لسانك يالقرم



قصيدة طيبه ويستاهلون قحطان وعتيبه ولايهون الحاضر



لك تقديري

عايض

صح السانك ولاهنت

ونعم فيما ذكرت ولا يهون الباقي

لك تحياتي

أرررحب ياعائض


صح بدنك قصيدة فيها حب للقبيلة وتستحق قحطان أكثر

كل الإحترام

عايض صح الله لسانك وبيض الله وجهك

العام حنا والقحاطين عدوان
واليوم كلٍ له رفيقٍ يخاويه

:
:

شاعر متمكن واثريت النص بما تطرقت

,,


هادي بن عسكر / حيااك الله ولا خلا والله ولا عدم



,,

صح الله الساااانك


وكفو مليااار انت ومن انت منه

صح الله لسانك ياعايض

وماعليك زود

و قــحــطان وعتيبه يستاهلون المدح

بيض الله وجهك

وانعم بقحطان وانعم بعتيبه

ولاتهون القبايل كلها

وفي اخي القدير

صح لسانك يا عايض


قصيدة جزله من راس جزل


وماهي غريبه من مثلك وشرواك



اخوك