توارد خواطر في عتب (ساخر)

السلام عليكم ورحمة الله وبركاته

هكذا ولدت
متواضعه للتواصل

[poem=font="Simplified Arabic,6,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سمعت واحد يقول لصاحبه طعني=كلنٍ يدور لرزقه عند رزاقه
لاتعتذر عن خطاك ولا تكلمني=جعل الذي يعتزي بك تنكسر ساقه
إما اشلع السالفه دغري وعلمني=واقلط مع الباب لا تدخل مع الطاقه
ولا الزم الصمت واركد لا تعاتبني=لا خير في واحدٍ ما صان ميثاقه
حبرك على هامش الوجدان يكتبني=وخطاك دايم على الهجران سبّاقه
ماهي كذا يالسنافي هات والحقني=موترك شبهه وعشرين الف لحّاقه
قدامك الفين بالسكة تزاحمني=والفين نسمع بواريها على الساقه
وانا على خبرك اقشر ما يناسبني=إلا الذي ما يسوقه غير سواقه
تمر البواسق وشوفه فوق يعجبني=ما تصله السايبه ويدين بواقه
لو طاح من فوق لايسمن ولا يغني=تقتشه الطير والرعيان تحتاقه
وانا غروري وشفي عذق يشبعني=ما ناش يعسوبه الطرقي ولا ذاقه
وانا كذا هكذا طبعي وتعرفني=راقي وما احب صحبة ناس هبّاقه
غصنٍ قوامه وظلّه كان يجذبني=حوّل عليه الدبا واستيسر اوراقه
شفتك بالاوصاف لا تنكر وتجحدني=تمشي ورى مهرةٍ شقرا وعملاقه
يا لعنبو فيس بوك اللي شعا سمني=غش الغلابه وعلقهم بعلاقه
لا شفت ابو سلسله والجنز تنكرني=اللي تفنن براسه موس حلاقه
راع الصديري على الجنبين والمتني=مكشوف ماله سوى خيطين وبناقه
إن سمع طبلة رباب وفرقة اجرحني=ولا تقاسيم جوهر لأجل عشاقه
قام يتناقز ويرقص رقصة الحصني =كنه خرز فتخةٍ في كف طقاقه
زاده بقول وخيار وزبدة الجبني=لأن البروتين زين ويرفع الطاقه
انشهد ان الزمن فعله يروعني=قيد بعير الحمول وهمّل الناقه
ارض الوفا عشبها ريحه يشوقني=لاهبت النود صوبي ريحة اشواقه
اعيش فيها وادوف القاف واغني=واتبع وفاها ولمعة نوض براقه
ولابد يا صاحبي بالخير تذكرني=لا شح ميصالهم تاتي بك الفاقه[/poem]

توارد خواطر وشعر فاخر
لله درّك يامحمد على هذا النص

سلمت وسلم رااااسك

على الخواااطر الوااافيه

اررررررررررررررررحب يامحمد



وصح لسانك وعلاشانك




كنت على يقين بان القصيدة فاخره وصدق يقيني




تقبل تقديري

قام يتناقز ويرقص رقصة الحصني
كنه خرز فتخةٍ فـي كـف طقاقـه


قام يتناقز ويرقص رقصة الحصني
كنه خرز فتخةٍ فـي كـف طقاقـه

صح لسانك



وصف جميل وموفق



دمت بخير وعافية

أخوي محمد الاجدل

صح لسانك

واعتلا شانك

تكلمت عن ظاهره برساله

تقبل احترامي

لاتعتذر عـن خطـاك ولا تكلمنـي
جعل الذي يعتزي بك تنكسر ساقـه

:


الأجدل
دائماً تتحفنا بنبضك المتواصل الجميل

صح لسانك



وصف جميل وموفق



دمت بخير وعافية

عزاالله انك ارويتني شعراً يامبدع

سجل اعجابي

محمد

صح السانك ولاهنت

قصيده جزله من جزل

لك تحياتي

توارد خواطر وشعر فاخر
لله درّك يامحمد على هذا النص

سعيد
هلا وغلا
شرفني تواجدك واطرائك
لا خلا ولا عدم
تحياتي لك

سلمت وسلم رااااسك

على الخواااطر الوااافيه

ارحب يا رايد
ومن قال يسلم
شكرا على مرورك لاهنت
تحياتي لك

اررررررررررررررررحب يامحمد



وصح لسانك وعلاشانك




كنت على يقين بان القصيدة فاخره وصدق يقيني




تقبل تقديري

ابو مبارك
صح بدنك يا غالي والله لا يهينك
حضورك زاد متصفحي شرفا ووقارا لا عدمتك
تحياتي لك