دمحتها لاجل الغلا و المواجه

لا عاد تنشد والخطأ ماله شهود ** شي" مضالي مالكم فيه حاجه


ماعاد لك عندي مواثيق وعهود ** ياجرحي اللي ماغديتُ علاجه


دفنت ذكراكم تحت ذاري النود ** ورفعت نفسي عن دروب السماجه


والى تساوى عندك النقص والزود ** وصديت عن درب القدا للعواجه


فلا تحسب انك بين الاصحاب معدود ** ياراس مال" مانفعني خراجه


لو الخطأ منك على غير معهود ** دمحتها لاجل الغلا و المواجه


خص" الى من صار ماهوب مقصود ** عديتها ويا مناجي الطيب ناجه


مارحت ادور فيك طارد و مطرود ** وريحت بال" ماتكدر مزاجه




مبارك مناحي العمور

[align=justify][align=center]لو الخطأ منك على غير معهود ** دمحتها لاجل الغلا و المواجه

نص جميل بجمال حظورك
صح لسانك يامبارك ولاهنت على التواصل [/align][/align]

صح الله السااانك اخي الكريم

على هاذي الابيات الجزله

أَجْزَلْت الْنُّطْق فَلَاثلم لَك قَلَم وَدَام فِكْرِك

صَح لِسَانُك

مَدَد بَلَاعَدِد

تَقْدِيْرِي

مبارك العمور

اختصارات شعريه تعني الابداع

لو الخطأ منك على غير معهود ** دمحتها لاجل الغلا و المواجه

صح لسانك ولاعدمنا ابداعك



تقديري واحترامي

هلابك يامبارك وصح لسانك ، شاعر متواصل ووافي ..

iلا عاد تنشد والخطأ ماله شهود
شي" مضالي مالكم فيه حاجه
ماعاد لك عندي مواثيق وعهود
ياجرحي اللي ماغديتُ علاجه

كم تمنيت تحديد المخاطبه للفرد واستمراها له دون مخاطبته بشكل جمع مثلما ذكرت في اشطر العجز ..

..
تقديري الدائم لك ..

مبارك

صح السانك ولاهنت

قصيده رائعه

لك تحياتي

سعيد القير

صح بدنك ولا هنت

حمد الدليهي لا هنت والجمع اصبح مفرد الحين .. ولاكن كان للجمع في خاطري له قصد



لا عاد تنشد والخطأ ماله شهود ** شي" مضى ماعاد لك فيه حاجه


ماعاد لك عندي مواثيق وعهود ** ياجرحي اللي ماغديتُ علاجه


دفنت الذكرى تحت ذاري النود ** ورفعت نفسي عن دروب السماجه


والى تساوى عندك النقص والزود ** وصديت عن درب القدا للعواجه


فلا تحسب انك بين الاصحاب معدود ** ياراس مال" مانفعني خراجه


لو الخطأ منك على غير معهود ** دمحتها لاجل الغلا و المواجه


خص" الى من صار ماهوب مقصود ** عديتها ويا مناجي الطيب ناجه


مارحت ادور فيك طارد و مطرود ** وريحت بال" ماتكدر مزاجه




مبارك مناحي العمور