" إبادة الصيد "

[poem=font="Simplified Arabic,5,#070E2D,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
الصيد ياهل الصيد صابه إباده= وخصٍّ من اللي يعشقون التصاوير
لاصاد واحدهم بكفّه جراده= نزّل لها بالنت موضوع تشهير
ويكرّر التصوير لأجل الإفاده= وبعض الفوايد ماتبي نوع تكرير
ولو كان بالتصوير عنده إجاده= يمكن بموضوعه تشوف المعاذير
لكنّ جنسه عايشٍ بالبلاده= ومع البلاده يفعلون التهاوير
شفهم أبادوا كل حيّ وجماده= ولا اسلمت منهم بهايم ولا طير
شعارهم عند الجميع القراده= ومنهاجهم بالصيد منهاج تدمير
لا شاف له ثعلب تكابر عناده= وشلون لامن شاف جول العصافير
كم باشقٍ كد هدّ به عن هداده= وكم طير جوٍّ منه ذاق التعازير
دامه جفولٍ مايوفِّر زناده= يرمي وعنده لكل ما صِيد تبرير
وان راح للمقناص خارج ابلاده= مايجني غير الطهبله والمخاسير
يصيد شيٍ مايحطّه بزاده= بس افتخارٍ بالجماعه وتصوير
أيّة فخر ياهل الولع و الطراده= في صيد جاموس وسيع المناخير
ترميه من مترين وابلا ركاده= ولو تمسكه ماهجّ عنّك ولا ذير
لكن ابمدح مهتوين الرياده= اللي اتقدّيهم سلوم المناعير
ناسٍ لهم بالصيد مذهب وعاده= تِرفع لهم بين النشامى تقارير
مايتركون بكل حال العباده= مستارثين الجود والطيب والخير
فيهم مداوير القطا بالحماده= وفيهم هل الأرنب وفيهم صقاقير
وفيهم قنوص الضلع أهل الجلاده= وفيهم هل القمري وربع الخواضير
وفيهم كثيرٍ ما أحيط بعداده= وكلٍّ على عشقه يسوق المشاوير
اقروم تجمعهم فنون القياده= لا روّحوا على الحراوي مداوير
مايفارق المطنوخ منهم مراده= والى لقى المقسوم ماصاد تبذير
حتى مكانه مايحاول فساده= يترك مكانه مثل ماكان للغير
حريص مايترك تراه اجتهاده= يخاف لوم أهل الوجيه المسافير[/poem]
.
.

خالد صح لسانك موضوع هادف فيه حكمة



لاهنت تقبل حضوري ولك جل تقديري

خالد

صح السانك ولاهنت

قصيده طيبه من راس طيب

لك تحياتي

صح السانك ولاهنت

على هاذي الدرر الفريده

صح لسانك ياخالد
يعجبني الشاعر اللي يرسم الموضوع باتقان
وليس اي موضوع بل موضوع غفل عنه الكثير
ولايدري عنه الا معاصر الاحداث المذكوره
يهم الناس , يهم الحياة الفطرية , يهم المحافظه على نظافة البيئه
, يهم المحافظين على دينهم وتقاليدهم في كل مكان وزمان.

خالد

صح لسانك وبيض الله وجهك نص جزل ورائع

مودتي لك .

الله يبيض وجهك ياخالد



عبرت عن بعض مايجول في خاطري


وهذا واقع حال بعض اهل المقناص


عسى الله يهدي النفوس ويصلح الحال



صح الله لسانك





ولاهنت



لك تحياتي
ابو احمد

خالد الوقيت

كلمات هادفه وحضور متوج برقي المعاني


صح الله لسانك00 لك تقديري

صح الله ألسانك

قصيدة بها من الحكم الكثير

لا هنت

[align=center]صح السانك مليار في مثله

قصيده رااائعه من شاعر راااائع و مبدع[/align]

أَجْزَلْت الْنُّطْق فَلَاثلم لَك قَلَم وَدَام فِكْرِك

صَح لِسَانُك

مَدَد بَلَاعَدِد

تَقْدِيْرِي