Tweet
كسرتني كسر بوش لقور
------------------في الحمله الانتخابيه
يابوعيونٍ نواعس حور
------------------وعليك وجنات ورديـــه
وأبو جديل أشقرٍ منثور
------------------موجات طيه على طيـــه
على المعنق يجيله دور
------------------لا هب نسناس غربيــــه
الحقتني منك ظلم وجور
------------------مافيك رحمه وماويـــه
ماترحم اللي بكم مجبور
------------------ماعاد له روحه وجيــه
في حبكم مايطيع الشور
------------------على العهد صافي النيه
هذي سنه فوق عشر شهور
------------------ماشاف للوصل ماريـــه
ولاذاق معكم هنا وسرور
------------------ماغير كيه على كيـــه
ياليت لاهل الهوى دستور
------------------والامحاكم جنائيـــــه
كان أشتكي وأكشف المستور
------------------وأقول سبب شقا ليـــه
وأطالبك حقي المهدور
------------------رد اعتبارات شخصيـــه
أما بتعويض يدفع فور
------------------ضدك مبالغ خياليــــه
والا بسجنٍ عليه السور
------------------تأبيد غرفه انفراديـه
ونعلن بخطٍ عريض سطور
------------------في كل صفحه ودوريـــه
هذا ترى المجرم المشهور
------------------وتهمتك قتل الهواويـه
وسلامتـــــــــــــــــكم جميـــــــــعــا
أخوكم عبدالله العتيــــــــــبي
البــــــــــــــــــــــــــادي
تعليق