السلام عليكم ورحمة الله وبركاته
من آخر كتاباتي قصيده في سمو سيدي صاحب السمو الملكي الأمير فيصل بن خالد بن عبد العزيز حفظه الله ورعاه
امير منطقة عسير ارجو ان تنال قبولكم
[poem=font="Simplified Arabic,6,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
العلم مشكاة اللغه والشعر مصباح الادب=والفكر ينثر من زجاجاته زباد عطورها
إن كان حرفي ما حضر وقت اللوازم وانتصب=واثبت لعشاق الحروف انه رحيق زهورها
ينتابني صدمه على ضيقه مع ثورة غضب=لو ما جلبت الدرّ من لجّة وغزر بحورها
قرّبت ملحا الشعر وحروفي وشديت القتب=والحمل يفرك حدّ غاربها ويفرص كورها
ابغي بها رجل الرجال اللي سلامي له وجب=تثني يديها بالولا عنده وترخي زورها
اقودها بخزامها وابني واجنّبها العطب=وان قلتها في حضرته لي صفقو جمهورها
اقدح من الجزلات وانضمها واصب القاف صب=وانصى بها حرٍ من احرار العرب وصقورها
الزم تلابيب المعاني واتوثـق باللبب=واقبض بلاعيم القوافي ثم افج نحورها
لأجل الكريم الحبر من عنق القلم سال وكتب=متنحر دارٍ يغرد بالنقا عصفورها
الشعر وابيات الفخر في نجل سادات العرب=تاجٍ على صدر الذي يكتب ويقرا سطورها
الحرف في شروى سموه عزّ وانواط وشبب=روس القمم تنصاع له ويلين صلب صخورها
وقعه على زمرة رديين البخت جمر ولهب=حصنٍ حصين للبلاد الشامخات وسورها
فيصل ولد رابع ملوك المملكه مجد ونسب=من اسرةٍ شعب الجزيره يحتمي بقصورها
اسرة هل التوحيد والعليا مناجمها ذهب=دعوى هل العوجا نهار الشان تلعب دورها
الاسم فيصل والصفه شامان تحت اسمه لقب=تنقل غلاه الصافنات الغرّ فوق ظهورها
من لاذ به يبغى الوفا وقت النوايب والكرب=بأمر الله ان تخطيه صلفات الزمان وجورها
يا عزوة المظلوم والمضيوم فكاك النشب=لا ضاقت الدنيا وناشتني براس اظفورها
من قال ابو خالد صفاته غير والله ماكذب=روسٍ تعزوى به يباريها الفرح وسرورها
الله عطاه المنزله والله بتقديره وهب=دانت له اوتاد الرواسي والقمم وصدورها
بصمة سموه في جبين المنطقه فخر وعجب=اروى بمجهوده مساقيها وميت بورها
مكانته مزروعةٍ بين المحاجر والهدب=مستوطنه قاع البصر خيطانها وجذورها
حرام لو دونت من غرة رجب حتى رجب=ساعه بساعه طيلة ايام السنه وشهورها
ما اوفيت قامة سيدي ميزانها شعر وطرب=لو تكتب اقلام الادب طول الزمن ودهورها
وانشهد انك يا صليب الراس مصباح الادب =تمدحك هذي والذي باقي تفوح قدورها[/poem]
من آخر كتاباتي قصيده في سمو سيدي صاحب السمو الملكي الأمير فيصل بن خالد بن عبد العزيز حفظه الله ورعاه
امير منطقة عسير ارجو ان تنال قبولكم
[poem=font="Simplified Arabic,6,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
العلم مشكاة اللغه والشعر مصباح الادب=والفكر ينثر من زجاجاته زباد عطورها
إن كان حرفي ما حضر وقت اللوازم وانتصب=واثبت لعشاق الحروف انه رحيق زهورها
ينتابني صدمه على ضيقه مع ثورة غضب=لو ما جلبت الدرّ من لجّة وغزر بحورها
قرّبت ملحا الشعر وحروفي وشديت القتب=والحمل يفرك حدّ غاربها ويفرص كورها
ابغي بها رجل الرجال اللي سلامي له وجب=تثني يديها بالولا عنده وترخي زورها
اقودها بخزامها وابني واجنّبها العطب=وان قلتها في حضرته لي صفقو جمهورها
اقدح من الجزلات وانضمها واصب القاف صب=وانصى بها حرٍ من احرار العرب وصقورها
الزم تلابيب المعاني واتوثـق باللبب=واقبض بلاعيم القوافي ثم افج نحورها
لأجل الكريم الحبر من عنق القلم سال وكتب=متنحر دارٍ يغرد بالنقا عصفورها
الشعر وابيات الفخر في نجل سادات العرب=تاجٍ على صدر الذي يكتب ويقرا سطورها
الحرف في شروى سموه عزّ وانواط وشبب=روس القمم تنصاع له ويلين صلب صخورها
وقعه على زمرة رديين البخت جمر ولهب=حصنٍ حصين للبلاد الشامخات وسورها
فيصل ولد رابع ملوك المملكه مجد ونسب=من اسرةٍ شعب الجزيره يحتمي بقصورها
اسرة هل التوحيد والعليا مناجمها ذهب=دعوى هل العوجا نهار الشان تلعب دورها
الاسم فيصل والصفه شامان تحت اسمه لقب=تنقل غلاه الصافنات الغرّ فوق ظهورها
من لاذ به يبغى الوفا وقت النوايب والكرب=بأمر الله ان تخطيه صلفات الزمان وجورها
يا عزوة المظلوم والمضيوم فكاك النشب=لا ضاقت الدنيا وناشتني براس اظفورها
من قال ابو خالد صفاته غير والله ماكذب=روسٍ تعزوى به يباريها الفرح وسرورها
الله عطاه المنزله والله بتقديره وهب=دانت له اوتاد الرواسي والقمم وصدورها
بصمة سموه في جبين المنطقه فخر وعجب=اروى بمجهوده مساقيها وميت بورها
مكانته مزروعةٍ بين المحاجر والهدب=مستوطنه قاع البصر خيطانها وجذورها
حرام لو دونت من غرة رجب حتى رجب=ساعه بساعه طيلة ايام السنه وشهورها
ما اوفيت قامة سيدي ميزانها شعر وطرب=لو تكتب اقلام الادب طول الزمن ودهورها
وانشهد انك يا صليب الراس مصباح الادب =تمدحك هذي والذي باقي تفوح قدورها[/poem]
تعليق