زفـّـة ريــم

السلام عليكم ورحمة الله وبركاته


هي خاصة لكن عندي يقين أن الفرح ملك مشاع لكل القلوب بعكس الحزن ..

والله وكبرتي ياريم وصرتي عروس

هذه الأبيات بها من الخصوصية الشئ الجميل ،أحب ريم وأحب يوم فرحها ويحبها كل أهلها لكني أكثرهم حباً لها فهي تعني لي الشئ الكثير

ريم: رغم أنكِ ستغادرينا لدولة (أخوان مريم) لكنكِ ستظلين بعرش قلوبنا للأبد ياصغيرتي ..
افرحي وطيّري الفراشات وانثري الفل الأبيض وعيشي بسعادة .إياك أن تجعلي من قلبك خندقاً للزفرات والأحزان ، فهي لاتليق بكِ

أبيات زفة ريم (f)

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياعيال العود ياخزنة زمانه =يالقروم وياكريمين السبايل
ياذراع الطيب وايديه وبنانه=ياوريثين المشاكيل الآوايل
افرشوا للريم الأرض بزعفرانه=وارفعوا بيض البيارق بالطوايل
كحل عين وكثر زين وخيزرانه=عزوة الذربين وشيوخ القبايل
بنت شيخ(ن) شاع بين الناس شانه=(نايف)* الزيزوم كسّاب الجمايل
ابو ناصر مايسد احدن مكانه=وافي(ن) لاجيت ابا اعد الخصايل
وريم وسط قلوب اهلها مثل دانه=ماوطت درب الرذيلة والفشايل
ترتفع عن مردي الحظ وطمانه=وتشمخ اعن السقط وهروج السفايل
يالمحيا المجد سيف وصولجانه=ليلة(ن) مااظن يتليها مثايل
جاكم اللي (ريم) تزها في عنانه=من عيال (الضيط) متلفة الدبايل
(ماجد) بفعله ماهو مجد بلسانه=والنعم لانادوا عيال الحمايل
هي من (الحردا)* خذت طبع ورصانه= وهو خذا من حد (عمهوج)* الفعايل
ليلة(ن) لمت عزيزين المكانه=جعل غر مزونها تملا المسايل
يجري امن (الحيد)* لين اقصا (الجمانه)*=ويرقص النوير وفنونه تمايل
والشعيب هناك يزهر قحويانه=وتسمن الهزلات وتزين الهزايل
وياعيال العود ياروس الفطانه= شوق من تنقض طويلات الجدايل
افرشوا للريم الأرض بزعفرانه= وارفعوا بيض البيارق بالطوايل[/poem]
[bdr][/bdr]
نايف: نايف بن عقاب المحيا الحنتوشي العتيبي شيخ ديرة المحيا (الحيد)
الحردا:عزوة المحيا ولها قصة مشهورة
عمهوج:سيف مارق الضيط رحمه الله جد العريس ماجد
الحيد :ديرة المحيا تابعة لمحافظة الدوادمي
الجمانه:ديرة الضيط تابعة لمحافظة الدوادمي

الزفة بصوت الفنان:فواز الفواز

للتحميل:

افرشـوا للـريـم الأرض بزعفـرانـهوارفعـوا بيـض البيـارق بالطـوايـل




صح السانك كبرياء


هذانص شامخ

تحياتي لك

عليكم السلام و رحمة الله وبركاته



وكفوو والله ياكبراء

ويسلم رااسك والله يديم الافرااح ويكتب السااعده لريم وماجد

وصح قلبك على هالابداااااااااااااااع والرقي

نعم مشاركة الفرح تبعث على السرور
سلمتي ياكبرياء
وصح لسانك وطاب بيانك

ولتهنأ الريم بهذا الحضور الشعري الباهر

كبرياء تستحقين ان تكوني مناره للشعر بكل حالاتك


صح كلك ياغلاي

كوني بحي

تحاياي

الشاعره الكبيره بشعرها واخلاقها....كبرياء


صح الله نبضك ياوارفه


يكفي ان من كتبت لريم هي كبرياء لتصبح فرحتها فرحتين


اتابعك منذ زمن ومعجبه بكل كتاباتك



تقبلي ودي

اختك/تاج

كبرياء الشعر

بداية الف مبروك للريم00 اتمنى لها حياة موفقه

قاف معبر وحضور ينثر شذى الفرح00

والنعم والله بالقبيله والمحيا 00 ذكر يسمو للشموخ

صح الله لسانك00 تقديري لك

كبرياء

صح السانك

قصيده رائعه ومعبره

عسى الله يهني ريم ويسعدها ويبارك لها زواجها من ماجد

تقبلي تحياتي

صح السانك كبرياء


على هاذي الدرر

الف مبروك


كبرياء صح قلبك

مودتي

صح السانك كبرياء والله يديم الافراح ويوفقهم

صح لسانك كبرياء

وتسلمين على هـ الدرهـ

ودامت أفراحكم ووفق الله ريم

تقديري’,,