..هم وغرابيل..

السلام عليكم ورحمة الله وبركاته



[poem=font=",5,orange,normal,normal" bkcolor="black" bkimage="" border="double,4," type=2 line=0 align=center use=ex num="0,black""]

ياللي تقول الحب هم وغرابيل=انشد بخيص(ن)خابره يوم خاواه
ماشاف منه الا العنا والبهاذيل=ولاجازله طرق المحبين غناه
مخلي السمره وخلى التعاليل=وسوالف اهل الطيب والجود والجاه
ويكف من فنجال صفر المعاميل=ولاكلى زاده ولاشرّب من ماه
سبايب اللي رمش عينه مضاليل=لبى هدب عينه ولبى شفاياه
حبي سوات الطير وحبه محابيل=واجي على صوته ولوما بيمناه
سوات صقار(ن)يحب اشقر الذيل=لامال ضل العود فكه وعشاه
مروضه لوهو بعيد المداهيل=عزه وحبه ثم حنه وداراه
ياجعل يفدونه هل القال والقيل=ويفداه من نقش على الكف حناه
لبيه يالبيه ماعاد بي حيل=يابو العيون السود لبيك لباه
لودوني ودونه ثلاثت عشر ليل=لا اروح اشوفه واقربه واتحفاه
واقول وينك ياعسا دارك السيل=ماعاش قلب(ن)يعشقه ثم خلاه
ياعين حر(ن)هد مع طلعت سهيل=وياعنق ضبي(ن)فالضحى في مفلاه
ويالمهره اللي ماعسفوها هل الخيل=ياويل حال اللي يحبون ويلاه
لولاي ادله خاطري بالمواويل=واجرصوتي كل ماحل طرياه
وارقا بهمي فوق روس الغراميل=من قلبي اللي شوفت الزين تبلاه
يمديني امن الحب خذت التحاليل=اما يجيني عزل والامعافاه
لاعاد تنشدني ولوهي تساهيل=الامتى وقلوبنا فالمعاناه
[/poem]

لاعــــــــــاد تــنــشـــدنـــي ولـــــوهـــــي تــســاهـــيـــل
الامــــــــــــتــــــــــــى وقــــــلــــــوبــــــنــــــا فـــــالـــــمـــــعـــــانـــــاه

للموت والدفنه يابوناصر صح لسانك ولاهنت على هذي التحفه الرائعه

جميل ماكتبت ياعلي
لاعجمت على تلك العذوبه في القول

اخي القدير على بن مهران

على قمة الشعر ارتقت هذه الشامخه فلله درك

ما اجمل شعورها وما اجمل سبكها

شاعرنا القدير سعيد القير

شاعرنا القدير ابو مقبل الاكلبي

شاعرتنا القديره شواهق نجد


كلماتكم اسعدتني وصح ابدانكم


حضوركم شرف ولاهنتوا جميـــــــع

علي

صح السانك ولاهنت

قصيده جزله من جزل

لك تحياتي

ارررررررررررررحب ياعلي



وصح لسانك يالقرم



قصيدة طيبه من طيب




لك تقديري