من باب سلوى لا الرياض

[poem=font="traditional arabic,6,#006699,bold,italic" bkcolor="#ffffff" bkimage="images/toolbox/backgrounds/8.gif" border="double,6,#33ccff" type=1 line=0 align=center use=ex num="0,#400000"]
يا حـبـيـبي مـا على حكم الأقدار اعـتراض= غـير بعـدك لاعـني لـوع بالخـط الـعريـض
خمسة أشهر هدت الحيل وانقـض انقـضاض= لـين صارت حالتي مـن نقيـض في نـقـيــض
وأنـت مالك عذر يمـنعـك واقـل افـتـــراض= التفـت لي فـي زيارة وعـجـل لا تــريــض
ساعتين ونصف مـن باب(سلوى لا الرياض)= اعتبرها بس قرض احسنه وأسعف مريـض
من هـواك أونـس بقـلـبي تـمـدد وانقـبــاض= كنه ( الزنبرك ) فـي بطن كاتمـة الـومـيض
وكل مـا شافـت عـيوني شـعاع الـبرق نــاض= قـلـت ذا من ذاك ويهيـضني شيٍ يـهـيـض
أوسـطي اللـون يغلـب سـمـارتـه الـبــيـاض= و( الحجل وألا القماري) على صدره يبيض
والجـدايـل تكسي الجيــد والقـد الـغـضـاض= تجتمع فيها طقوس ( المشـتىّ والمقيض )
كـنـه اللي ذيـروه الـقـنـوص مـــن الفـيـاض= واسـتدار وذار وانحاز فـي عـرضٍ عـريـض[/poem][align=center]عبد الله المشعلي[/align]

وكل ما شافت عيوني شعاع البرق نـاض
قلت ذا من ذاك ويهيضني شـيٍ يهيـض

الله اكبر

صح اللسانك يالمشعلي

عبدالله المشعلي


الله الله

صح لسانك

قصيدة رائعه بروعة حضورك

سلمت ولاهنت

تحياتي

ابو محمد

صح السانك

شعر وشاعر

لاغرابه

عبدالله

صح السانك ولاهنت

قصيده جزله من راس جزل

لك تحياتي

وكل ما شافت عيوني شعاع البرق نـاض
قلت ذا من ذاك ويهيضني شـيٍ يهيـض

الله اكبر

صح اللسانك يالمشعلي

محمد بن هضيبان

سلمت ودمت ولا هنت

تشرفت بمرورك