برق سرى يلمع على صفحة الليل

[align=center] بسم الله .السلام عليكم رواد هذا المنتدى الغني عن التعريف


من اداريين وشعراء واعضاء وزوار


وهذه مشاركة اولى في هذاالمنتدى ارجو ان تنال رضاكم [/align]







[poem=font="Simplified Arabic,6,#000000,bold,normal" bkcolor="" bkimage="images/toolbox/backgrounds/13.gif" border="none,4,#400000" type=2 line=0 align=center use=ex num="0,#400000"]
برق سرى يلمع على صفحة الليل =مااظن يمحى لون سود الليالي

غنيتنا من ظيم بقعا مواويل =يامال يادانه ويالال لالي

وحاولت اعدل لوحة الرسم تعديل =واثر الحبر نسج السنين الطوالي

مايمسحه طامس وفرشه وتظليل=ساعات وايام وسنينن خوالي

وعاندتنا وقتي بصبر الرياجيل =لاكان مالي من رفيقن موالي

لوكان انا رجلي وهوراكبن خيل =عليه انا اكبر من عظيم الجبالي

صحيح انا شاعر مميز على الجيل =شعرن على شعرن جدود وخوالي

وعندي حصانة دين ذكر ن وتهليل =ومااخشى الزمن لاكان بلا لحالي

بس لا نظرت عيون سودن مظاليل=عزي لحالي رحت عزي لحالي

يفاتنة قابيل في قتل هابيل =يامملكة بلقيس واعتى الرجالي

ياعظم سحر بابل بكتب التراتيل=ياطاعة الاديان خلق ودلالي

من مبسمك ينشي سحاب المخاييل=والوادي المبطي من السيل سالي

والى مشيتي وسط غابات ونخيل =مدت عليك اغصانها بالظلالي

حتى القمر والشمس والنجم ياهيل =من فوقنا في عاليات العلالي

كل يبي يقبل مواطيك تقبيل =يحن مشييك فوق حمر الرمالي

افرح لشوفك فرحة البدوللسيل =اوفرحة المدمن لخمر زلالي

اقسم بربي ميت ن فيك بالحيل=غالي وغالي وان ماقلت غالي

في حبكم صنفت ضمن المهابيل =قيس الملوح وابن ناهش التالي

بالاختصار المختصر دون تضليل=غرام حب ام لصغير العيالي

لا ضمنا المجلس بزين التعاليل= اهرب من الواقع لدنيا خيالي

وافكر اني وسط جنات واميل =حورية قدمي نتيجة اعمالي

فإلى فاقت السكرة الى الوضع تخييل =والله يرحم شايب قد دعالي

ابوي وصاني على العدل والميل=اترك دروب العشق واهل الظلالي

لوزاد برق الليل يبقى هو الليل=لوزاد يبقى لون سود الليالي[/poem]

ارحب تراحيب المطر

مصافحه راقيه يا نادر

وفيها من الشاعرية ما يميزها

دمت بخير وحياك الله بيننا ..



تحياتي

ارحب يانادر
وحياك الله فالنداوي
ومصافحة جميله
قـيـس المـلـوح وابــن نـاهــش الـتـالـي
صح لسانك وطاب بيانك

من مبسمك ينشي سحاب المخاييل
والوادي المبطي من السيل سالـي


صح الله ألسانك يا نادر

تحياتي

ارررررررررررحب يانادر



وصح لسانك يالقرم



قصيدة طيبه من طيب



لك تقديري

نادر


صح السانك ولاهنت


قصيده رائعه من رائع

لك تحياتي

اخواني الاعزاء دمتم بخير وبيض الله وجيهكم جميعا

اخوي نادر

جبت من الشعر ما ندر

لا فض فوك

اخوي نادر

جبت من الشعر ما ندر

لا فض فوك

معليك زود اخوي حسين الله يبيض وجهك