~ + ! غــــرام المتــرفيـــن ! + ~

!
!
!



تدلـع يـا غـرام المترفيـن ومطمـع السـمّـار

ـــــــــــــــــــــ وأخـذ مـع دورة الأيـام تشريـقـة وتغريـبـه


يحق إلك اتباهـا بالحضـور وتبهـر الحضـار

ــــــــــــــــ بحسـن ٍ ماكسـاه إلا الشمـوخ وقـوة الهيـبـه


جمعت المغريات .. من الندى والثلـج والازهـار

ــــــــــــــ ماتشقى بـه قلـوب العاشقيـن ومـا تغنـي بـه


تمشى في الرخام وكنـك بـروض ٍ مـن النـوار

ــــــــــــــ يفـوح بريحه أن هب النسيــم وقـام يومي بـه


تمر " وتركد أنفااس .. الصدور وتشخص الابصار

ــــــــــــــــــــ ترحب بك ضيـوف الحفـل وترحـب معازيبـه


تمخطر في الحشا وانسى الحضور وكثرة الزوار

ــــــــــــ عليـك مـن الشعـور اللـي تصبحـه وتمسي بـه


خذيت من القمر نور وخذيت من الظـلام ستـار

ـــــــــــــــــ وخذيت مـن الطبـاع الـود والتحنـان والطيبـه


أخيلك في السما مزن وتحت رجلي لهيـب النـار

ـــــــــــــ و أشوفك في البسيطـه عـد صافيـة ٍ مشاريبـه


أخذت من الصبر .. ماتستمـده وقفـة الأشجـار

ـــــــــــــــــــــ على وجه الزمـان الـي علينـا عـاوي ٍ ذيبـه


لكن لـك حربـة ماكنهـا إلا قاصـف الأعمـار

ــــــــــــــ ماعنهـا والصـدر .. وحجابـه .. وقاسـي محاديبـه


توغلها بصدري كـن مـن بينـي وبينـك ثـار

ــــــــــــــــ وانا ما اقول غير الجرح من شرواك راضي بـه


تمالكني الحزن وأعيـا الفـؤاد وثـارت الثـوار

ــــــــــــــــــــ وانا من بين كـل المعطيـات .. مضيـع ذهيبـه


لك الله مابقـى إلا شـي واحـد خايـف ٍ ينهـار

ــــــــــــــــ تهذري به منقلة السوالف ... قبـل أهـذري بـه


وانا ما ودي العذال تدري عـن بعـض الاسـرار

ـــــــــــــــــــ وتنقلها هـل النمـه علـى مسمـع هـل الغيبـه


ترى من لا ستر عيبه قبـل تلفـت لـه الأنظـار

ـــــــــــــــــــ ما يلقى له عذر لا شـاف ما أحدٍ ساتـر ٍ عيبـه


انا وشلون بسلى فـي غيابـك والتمـس الاعـذار؟

ـــــــــــــــــــ إذا وصلك من كنوز الحياة .. وهجـرك مصيبـه !


\


تحيتي

اذا وصلك من كنوز الحياه وهجرك مصيبه
ياسلام ياسلام يالشعر
والحضور المغاير
والمعنا والمبنا
امتعتنا يافالح الله يمتعك بالصحة والعافية

تمر " وتركد أنفااس .. الصدور وتشخص الابصار
ترحب بك ضيـوف الحفـل وترحـب معازيبـه
تمخطر في الحشا وانسى الحضور وكثرة الزوار
عليـك مـن الشعـور اللـي تصبحـه وتمسي بـه

فالح الشلوي

دائماً متميز وتقدم الأفضل بلغه شعريه غير متكرره وترسم الصوره بشكل واضح ومتكامل، وبهكذا تلبي رغبة ذائقة المتابع ..
لانعدم الشعر وقائله

وانا ما ودي العذال تدري عـن بعـض الاسـرار

ـــــــــــــــــــ وتنقلها هـل النمـه علـى مسمـع هـل الغيبـه

الله الله
تقبل مروري وصح الله لسانك الين ترضى

تحياااتي

ارررررررررررحب يابومشعل



وصح لسانك يالقرم



ويسعدني بانني سمعتها منك شخصيآ




لك تقديري

صح الله ألسانك يا الشلوي وعلا شآنك

جزلة من رآس جزل

لا هنت طال عمرك

فالح

صح السانك ولاهنت


قصيده رائعه من شاعر متمكن

لك تحياتي