شعرنا النسواني

[poem=font="simplified arabic,5,white,bold,normal" bkcolor="transparent" bkimage="backgrounds/21.gif" border="groove,7,white" type=2 line=0 align=center use=sp num="0,black""]



أنا ليامن السهر سراني=هجيت لأبيات الشعر بيباني

أكرمتها يومن ضيفي طبعه=من يكرم ضيوفه من العتباني

تواردي يافكرتي وإحتدمي=ماأبغى القصيد الخايف الخسراني

إماطلعت إبه الجدي وأستاهل=لاقيل عني صاغة الأوزاني

والا إفهمي يافكرتي وإستتري=لاتكثرين اللوم والنقصاني

الشعر له مبدأ وحنا مبدأ=مبدأغريب وسلسلة سجاني

لونكتب إمن الشعر ماقد يعجز=شباب جيل العالم المتفاني

ماننتصرفالساحه الشعريه=لنا ضعوف وشعرنا نسواني

ولنا حجاب وغيرتن مرسومه=على وجيه الزوج والإخواني

ولنا عقايد دين ماتتحول=إلا إذاصار الفكر نصراني

إستغفرالله والله اللي يغفر=ذنبي وأناذنبي ماهو عمداني

من حرقتن فالقلب قلت أفضفض=قبل يتفجرفالصدر كتماني

وإلا الأدب كلن إيعرف إحدوده=وكلن إيعرف الزود والنقصاني

الشعر يبغى له صفوف وفزعه=تزف شاعرها على الطيراني

والشعر يبغى له ملامح شاعر=يقدريسوق طبعة الديواني

والشعر يبغى له كلام إثاره=ماتعرف المخطي من الحقاني

لكن يانقطة نظام إسمح لي=أنا الهنوف وشيخة القيفاني

والله لأوردها وحلفي صادق=مهره وأبوها في السباق حصاني

مهره ولا ترضى بغير الأول=كنها من إمهار البطل حمداني

إفخر ياشعري ماعليك معاتب=أنت الجزيل الصادق الكسباني

يالمبتكريالمقتدر يالطاغي=بأحلى القصيد الفاخر الرباني

شعري وأنا اللي من خلقت أقوله=ماجيت به لمقارع الفرساني

جيت أكتبه لمشجعه وأفخربه=لو ماخذى صيته مع العرباني

لو كان محدن يقدر إنه يجرأ=يقول بإن الفكر ذا إنساني

ولوكان محدن يفهم إن الأنثى=تقدر تجيب اللول والمرجاني

أنا بقوله وأستند في قولي=والله ليصفق لي بعيد وداني

الشعر لو إنه حفظ مرتبته=ماهمل إحباله مع الغلماني

كلن يقوله في زمان الموضه=وكلن على قول الشعر قوماني

أحدن مدح به لأجل يآخذ كروه=وأحدن مدح به هيبة السلطاني

ولاودي اظلم حظي إليا مني=ذكرت ناسن هزوا الميداني

الشعر وجهتهم وهم وجهن له=ورثن لهم من سابق الجداني

الله يبيض وجه من قالنه=في شاعر المليون دون ألحاني

عيده خذت به مركزن متقدم=وريميه أم إهلال خلف الثاني

[/poem]

كفو والله
قصيدة تنفيض شموخا وعزة بشموخ كاتبتها
صح لسانك

جميل هذا المتنفس الشعري
ويحق لك ياقوت القلوب ان تفخري فأنتي شاعرة مميزة
لاعجمتي ولاهفيتي

قوت القلوب

صح السانك

قصيده رائعه وهادفه ومعبره

تقبلي تحياتي

قوت القلوب



صح لسانك على الابداع

قوت القلوب

فاخر بما فيه الكفاية هذا النص ْ / ويزيد

ولنا عقايد دين ماتتحول
إلا أذاصار الفكر نصراني

راق لي ما قرأت هنا

متابع لك ِ

صح الله ألسانك على ذا الوافية

قوت القلوب

كفو والله ولاهنتي
صح لسانك على الابداع


تحياتي

قوت القلوب
صح لسانك
انتي متميزة
وقصيدتك متميزة
مودتي سيدتي

قوت القلوب

صح السانك

وسلم فكرك

تقبلي مودتي

عبدالرحمن ياهلابك اخوي وشاكره لك مرورك
تقديري

[align=center]قوت القلوب

نص فارق في الجزاله والمضمون صح لسانك

يابنت الرجال تقديري لك [/align]

صح الله نبضك ياوارفه


وبيض الله وجهك


انتي مفخره للشعر النسائي

[align=center]
صح لسانك يابنت الرجال تقديري لهكذا شعر ..


[/align]



[align=center][align=center]تقبلي مروري[/align][/align][/color]