اخطر ضحاياهن تداويه بوسة

السلام عليكم
اهدي اليكم جهد المقل املا ان تحوز على رضاكم وان تشفع لنا غيابنا

[poem=font="Simplified Arabic,6,#EE560B,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
الراس من كثرالهواجيس حاير= والقلب تالي كاثرات هجوسه

والنوم ماقبل علي العين زاير= والفكرشارد والدموع محبوسه

والشيب غطى الراس والدم فاير= تقول يرعى بالمعاليق سوسة

لانيب من راعي الدنانيرغاير= لوالمصارف ضيقتها فلوسه

ولاهوب همي هم راعي العشاير= يوم الحيا صيف وغابت عسوسه

القاع مدهر والليالي عساير= وحنينها يركي على الكبد موسه

او هم فلاح كلته الخساير= وبانت علامات العطش في غروسه

مافي يدنيه مال والجم غاير= وقلوب غرسه قالبتها اليبوسة

ولاهم حب منقضات الظفاير= عقب البلوغ وقبل سن العنوسة

اللي شعرهن فوق الامتان ثاير= واخطر ضحاياهن تداويه بوسة

همي زمان بالمناعير باير= يقدر الانذال ويذل روسه

دنياعلي المخلص تجرالجراير= بخفوفها تاطا عليه وتدوسه

من جورها ترفع خبيث السراير= ومرير مامون السرارير تحوسه

يالله يامنشي المزون الغزاير= ياللي جميع الامر بيدك تروسه

تجعل لنا من فضل جودك ذخاير= وتكفي تصاريف الزمان وعبوسه[/poem]

ارحب ياعبدالرحمن
ومن طول الغيبات جاب الغنايم
والغنيمة قصيدة جزلة معنا ومبنا
لاعجمت ولاهفيت

عبدالرحمن

صح السانك ولاهنت


قصيده طيبه من راس طيب

لك تحياتي

يالله يامنشـي المـزون الغزايـرياللي جميع الامر بيـدك تروسـه
تجعل لنا من فضل جودك ذخايـروتكفي تصاريف الزمان وعبوسـه




اررررررررررررررحب ياعبدالرحمن



وصح لسانك يالقرم



قصيدة شاعر مبدع ومتمكن



لك تقديري

صح الله ألسانك يا عبدالرحمن

كتبت فأجدت

تحياتي لشخصك الكريم

الاخ الشاعر / عبدالرحمن العريفي

صح الله لسانك ولاهنت يالغالي


قصيده طيبه من شاعر جزل

تحياتي

مشرفنا الشاعر القدير سعيد الاكلبي
كلماتك الجزلة مصدر فخر لمتلقيها
اشكرك على الحضور والاطراء
تقبل تحياتي الخالصة

مشرفنا / حسن الوطري
شكرا لمرورك الجزل
صح بدنك وتقبل تحياتي

صح الله الساااانك اخوي الكريم

على هاذى النص الراااائع

هادي بن عسكر
المرحب باقي ياطويل العمر
زيارتك زادتني شرفا
صح بدنك ولاهمت على الكلام الجزل

الله لايهينك ابد يالعريفي ..

و

صح كلك

و الله المستعان على هذا الزمان

.
.
.
.


تحياتي وتقديري