" زمان المهزلة "

[poem=font="Simplified Arabic,5,#0E1538,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
احترام الشخص نفسه في زمان المهزله=أحفظ لوجهه وعرضه من جهالات الجهول

غضّ طرفك لا صدفت العالم المستنزله=واعتبر إنّك أصمّ وْلا تسمّع وشْ تقول

الزمن هذا تكسّر بالبلاوي مغزله=تنسج الطيبه بكفك بس ما تلقى قبول

من منع سلم النشامى بالخلايق واعزله=من عطى الارذال حقٍ فوق وافين الفعول

ضاعت الحكمه بدوشة كل غاوي واهزله=واختفى في عجّ تيّار الردى درب الأصول

والنصيح اللي يقول الراي ويجيب اجزله=صوت شرهاته تقطّع تحت دقّات الطبول

اوّلٍ يعطى مكانه بالبشر ويفزّ له=وآخر المشوار قابع في سراديب الخمول

طيّح هموم الخلايق دون همّه واخزله=من يلومه والزمن هذا يقدّيه الجهول[/poem]








,

صح لسانك ياخالد

قصيدة وافية من شاعر وافي

خالد

صح السانك ولاهنت

قصيده رائعه ومعبره

لك تحياتي

صح لسانك وطاب بيانك ياخالد

صح الله ألسانك

لا هنت على الوافية

تقبل مروري

صح الله الساااانك ملياااار

نص جميل بــ ِقوافيه وموضوعه وتمكنك