Tweet
((كرد..........وصبا)))..فلاش...2
سلام الله على بيضاً تطل باغنيات( الكُرد)
.....................سلام الله على جرحي لاجر من (الصبا) حزنه
تغيب بريحة احبابي يغيب الكل فردٍ..فرد
.......................ويخف من الوله قلبي عليها من الجفا وزنه
يضيع من الشقا عمر بجفاها والليالي جرد
..........................واصبر جفني بقمرا ...واصبر روحي بمزنه
خذت من صدقي احساسه دفاه وأتشحت البرد
........................واخذت من السهر ليلٍ طويلٍ ماغفا جفنه
عسى ماتطول الغيبه عسى دربٍ خذاك يرد
...........................لعيني قرة المسرى وابرر غيبتك هدنه
طريتي وش ورى الطاري طواري والطواري شرد
.........................تناوش أطرف جروحي واثوّر بالحدا هجنه
تجملت الصبر أكثر كثير من الحكي والسرد
......................ولفظني من الشقا همي ترى ماتنقصك فطنه
كفا ياللي وقف حظي عليها مثل زهر النرد
.....................وعرفت ان الهوى ما هو سبايب جاذب وحسنه
سكنتيني بكل الناس وفاح ابأغنياتك ورد
........................وزرعتي بالوفا قلبٍ غديتي .. ريفه ومدنه
[تم تعديل الموضوع من قبل أحمد المطيري بتاريخ 10-05-2001 الساعة 09:14 PM]
تعليق