( أمي أمي ),,,,

[frame="7 80"] أخي الكريم أختي الكريمة
السلام عليكم ورحمة الله وبركاته .

لا أخفيكم سرا والله اعلم بما سأقول إنني لم استطع كتابة قصيدة مرثية في أمي رحمها الله وجميع موتى المسلمين منذ توفت قبل عامين بالتمام والكمال في مثل هذا الشهر لكون مشاعري ودموعي تغالبني عند كل بداية حتى أتت الفرصة وأنا مسافرا قبل أسبوع من الدمام إلى الديرة فكانت هذه القصيدة بأحزانها وهمومي رفيقة السفر من الرياض إلى نجران .

اطرحها بين أيدكم لا طمعا في الإشادة بها وإنما في الدعاء ( لـــ لوالدتي ولموتى المسلمين ) بالمغفرة والرحمة وان يجمعنا بهم في جنات النعيم .


( أمي أمي )
[poem=font="simplified arabic,6,white,normal,normal" bkcolor="transparent" bkimage="backgrounds/9.gif" border="double,4,gray" type=2 line=0 align=center use=ex num="0,black""]
يا ألاهي.. يا إله المسلمين = يا عظيم الشأن .. والملك المهاب
يا قوي الحيل .. والحبل المتين = يا مجير المستجير من العذاب
أنت ربي .. خالقي بك نستعين = ما نلوذ بغير وجهك في النشاب
لا اله إلا أنت .. رب العالمين = رب من في الكون .. يا مجري السحاب
لا اله إلا أنت .. يالعدل الضمين = ما يدوم إلا أنت .. يا رب الكتاب
أطلبك وأدعيك .. يا ربي تعين = من فقد غاليه .. وهمومه ذياب
مرت العامين .. يا مر .. السنين = والكلام يصير .. في نحري حراب
كل ما حاولت أبيح لي كنين = نايح العبرات من القلب ذاب
كم .. تحرى كلمتي .. رجلٍ فطين = ما درى عن ما بقلبي من صواب
والشقيق .. اللي يناديني بلين =صابراً صبري .. صبري ما استجاب
والله إني ما قدرت انطق .. يمين = كل يوم .. من همومي .. له عباب
آه .. يا حزني .. على الوجه الحسين = آه .. يا وجدي .. بعد يوم الغياب
آه .. وآ ويلاه .. من حر الحنين = يوم غابت سلوتي .. تحت التراب
أمي .. اللي كانت .. القلب الضنين = بعدها .. ما عاد للدنيا حساب
أمي .. اللي كانت .. البدر المبين = أمي اللي كانت .. البيت .. وحجاب
أمي .. اللي خلت الدنيا تزين = أمي اللي روضة كل الصعاب
أمي . اللي كانت .. العقل الرزين = أمي اللي كان تغليها الثياب
أمي .. اللي كانت .. الكف الأمين = يوم شان الوقت .. بوجيه الركاب
أمي.. اللي بالرحى .. تطحن طحين = أمي .. اللي خلت الحدباء هضاب
أمي .. اللي من عرفها .. ما تلين = كنها رجال .. في رد الجواب
أمي .. اللي كانت الصدر المكين = للفقير .. وللبعيد .. وللقراب
أمي .. اللي كانت .. تضم الضعين = فعلها مشهود .. ما هو من سراب
عند أبوي .. وعند جدي .. ما تشين = لا .. ولا تسمع .. لها حتى عتاب
وعند من له عندنا .. قسم ٍ سمين = ما عرفها .. غير بأفعال الصواب
أمي .. اللي ما شكى منها يقين = شايبي .. من شب معها .. لين شاب
كانت الدنيا .. وكانت له بنين = لين لحقت به .. وصار لها نصاب
أمي .. اللي كانت الدر الثمين = كل شيً .. للسعد منها ..احتساب
أمي .. اللي كانت .. العفة ودين = قبل ذاك المسفع وقبل الحجاب
أمي .. اللي للفقر حطت كمين = لين شبع الذيب .. وأهدى للغراب
أمي .. اللي تشهد لها ركعتين = في الصباح وفي المساء ما هي تغاب
والدعاء .. لي .. كان بين السجدتين = لي ولخواني .. عساها به تثاب
أمي .. اللي كانت .. اسحى المستحين = كل شيء قبل ما تطلب .. يجاب
أمي .. اللي للكرم .. بيت ٍ حصين = طبع أبوها .. ما ينقص في النصاب
جدها محسن .. وأبوها .. شر .. دين = عون للعاني .. وسيف ً في الجراب
معيض بن كزمان .. جدي يا ذهين = خلف أخوالي .. رجاجيل ً عراب
أمي أمي .. حبي لها فرض عين = جعلها .. في جنة الخلد الرغاب
ودي أنها بس .. تسمع كلمتين = لا حكيت بها .. تعود لي شباب
ليتني كنت الفداء .. لو تسلمين = ليتني كنت المخير .. والزهاب
يا ألاهي .. كل شي منك زين = والرضى منا .. على ما في الكتاب
اشهد انك حق .. والموت اليقين = يالله التثبيت .. نأتي بالصواب
يا ألاهي .. عفني .. مالجاهلين = وأهدني للحق .. وافتح كل باب
اغفر لمن مات .. واقبل باليدين = خاليه .. والعفو عندك والعقاب
وأهدني يالله درب المتقين = عبدك المسكين .. هذا اليوم .. تاب

وسلامتكم جميع
[/poem][/frame]

ارحب ارحب


يابونايف


الله يرحم والدتك ويسكنها الجنة


صح لسانك ياشايبنا


سلم لي عليك

رحمها الله رحمةً وأسعه وأسكنها جنته


صح لسانك ولاهنت


رثائيه مؤثره

رحم الله والدتك، ويبقى الوالدين اكبر من اي بوح

الله يغفر لها ويرحمها ويسكنها فسيح جناته
ولاعجمت يامعيض على هذا النص المؤثر

ابو نايف

صح السانك ولاهنت

قصيده محزنه ومعبره

الله يرحمها بواسع رحمته ويعفوا عنها ويدخلها فسيح جناته

لك تحياتي

عسى الله يرحم والدتك
ويسكنها فسيح جناته يا معيض
وعساها من دار لــ دار ٍ أخير منها ....
وعسى قبرها روضة من رياض الجنة






لا هنت على القصيدة

صح السانك وعلا شانك

والله يغفر لها ويرحمها

تحياتي لك

عسى الله يرحم والدتك
ويسكنها فسيح جناته يا معيض
وعساها من دار لــ دار ٍ أخير منها ....
وعسى قبرها روضة من رياض الجنة






لا هنت على القصيدة

الاخ الشاعر / معيض الوادعي

رحم الله والدتك، ويبقى الوالدين اكبر من اي بوح
قصيده رثائيه تعبر عن شعور الحزن بعد فقدان غالي


تحياتي

أمي أمي .. حبي لهـا فـرض عيـن
جعلها .. فـي جنـة الخلـد الرغـاب




اررررررررررررررحب يابونايف




وعسى الله يرحم امك وابوك وجميع اموات المسلمين




تقبل تقديري

اللهم يارب العرش العظيم اسئلك بجميع اسمائك الحسنى ان تغفر لامي وإم معيض الوادعي وامهات المسلمين
واسكنهم فسيح جناتك وتجاوز عنهم يارحم الراحمين
معيض صح الله لسانك ورحم الله امك والله يعيضك الصبر والسلوان
تقبل مروري وصدقني ان هذه الابيات سكنت قلبي
مهما اقول لن افيك ولن اوفيها حقها
تقبل ارق واعذب التحايا