الــــــــــــــــحـــــــكــــــــــمــــــــه

[align=center]السلام عليكم ورحمة الله وبركاته

بعد طول غياب للظروف خاصه

نتواصل معكم فى هذا المنتدى الشامخ

اليكم القصيدة عسى ان تنال على اعجابكم[/align]




[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]


قـالـو نبي حكمه من الراس لراس=في مـجتمع تغلب عليه السكينه

قـلـبت فكري والقلم فوق قرطاس=لـين اقبلت جزل البيوت السمينه

عشت الخيال بواقع الفكر وحساس=وقلت اسمعو ياهل العقول الذهينه

بعض العرب من كلمة الغير حساس=مشاعره تبقى بصدره دفينه

في داخـله كـذب وتكبر على الناس=دايـم يشـيل أحقاد بغض وضغينه

يشعل شرار الحقد وللشر مقـباس=وبليس مـلـعون الـصـلايـب قـرينـه

مع زمرة الشيطان طرقي وعساس=يـغـتاب ولـسـان النـمـيمه عـوينه

وبعض العرب من سمعته ماله اقياس=كـريـم ويـبـذل ماجمع فى يمينه

في مجلس أهل الطيب والخير جلاس=والـيـا هـرج من بـيـنـهم مـهـتوينه

خوته تشرى والردي صابه إفلاس=محزمك من جور الزمان وسنينه

هـذا هـو اللي خـوته ترفـع الـراس=لـن الـكـرم والجود متحاولينه

الـقـرب مـنـه عـز يـاطيب السـاس=ويكفيك شيخان العرب مادحينه

وان جيت للحكمة تجي دون مقياس=تفطن لها بعض القلوب الفطينه

للصمت حكمه واحذر النفس تحتاس=وحاول تقود النفس مثل الرهينه

والـكـبر مـن بين الأوادم تـغـطراس=لوجاملو له كلهم كارهينه

والكذب مهما طـال صاحبه ينداس=خصله قبيحـة والبشــر نابـذيـنـه

والحزن دمعه واضحه تجلب الياس=عقب الفرح تسقيك شربه حزينه

والحلم في بعض المواقيف نوماس=وصـى عليه الشرع بكتـاب ديـنـه

والعلم بحر وصاحب العلم غطاس=يختـار مـن در الـعـلوم الـثـمـيـنه

والوقت مثل السيف قطاع الأنفاس=إن ما قطعته صار وقتك سجينه

والصبر حمل ومن صبر فيه لا بـاس=يصبر على المـكـتوب ربي يعينه

يلي تقول الناس ما فيهم أجـنـاس=الـفـرق واضـح كـانـكـم عارفينه

هذي هي الحكمة من الراس لراس=فـصـلـتـهـا لأهل العقول الذهينه[/poem]

صح ألسانك يا محمد

جزلة من رآس جزل

لا هنت على الوافية

محمد ماهي غريبه عليك الحكمه وانت من هل الحكمه
واما الشعر مافيه شك انتم هله وناسه
تقبل مروري ياوجه محلف وفالك الابداااع

ارررررررررررررحب يابوحمود



وصح لسانك وعلاشانك




قصيدة طيبه من راس طيب



تقبل تقديري

حي البيوت اللي كما عقد أللماس
أبيات يحفها الرجل في سنينه


بوحمود بيض الله وجهك
أبيات تستحق الحفظ
فهي كالألماس
وتبقى لرجل ورث


تقبل تحيات اخوك غريب
أبو ولايــــــف

/




صَح لِسَانُك شَاعِر الندَاوِي

قَصِيْدَة طَيِّبَة وَتَحْمِل فِكْرَا مُّنِيْر

تقْبَل مُرُوْرِي الْمُتَوَاضِع

تَقْدِيْرِي



/

ظافر الهرمسي


مرحبابك

صح بدنك يالوافي

يشرفنى ويسعدنى حضورك الكريم


تحياتي

ياسلااااام ياسلااااااام

على هاذي الدرر المنتقااااه

من اعماااق المحيطاااات

ولا يقدر عليها الا محمد الحمراني

تحياتي لك

محمد


صح السانك ولاهنت


قصيده رائعه من شاعر اروع

لك تحياتي

فيصل الوعيلى

صح بدنك


يشرفني حضورك الكريم


تحياتي

الشاعر محمد الحمراني

صح الله السانك

قصيده جزله من شاعر جــــــــزل

تــــقبل تحياااتي