الاوادم يابن ادم ماحـداً يملـك رضاهـا !

طابت اوقاتكم اعلام الشعر شعراء واعضاء النداوي

... من جديدي متواضعه اتمنى ان تنال اعجابكم


[poem=font="Traditional Arabic,5,undefined,bold,italic" bkcolor="" bkimage="" border="none,4,#400000" type=1 line=1 align=center use=ex num="0,#400000"]
الخواطر ضايقه والناس مـدري وش بلاهـا=والفلك مدرار والدنيـا بأرضيهـا الوسيعـه
والروابع تنكشف في رحلـةً طـول مداهـا=والجمايل ماتحب اهـل التصنـع والبديعـه
والنفـوس الغاليـه الله يسعدلـي مسـاهـا=لـو تبعدنـا الليالـي مانوينـا بالقطيـعـه
يازمن وانفوسنا لاعاد تبحث مـن خفاهـا=الجروح اكبار والصدمات سطوتهـا شنيعـه
أن مسحنا جفوة الاحباب قلنا مـن غلاهـا=كم صديقـا باعنـا لكـن حنـا مانبيعـه
وش وراها غلطة الاصاحب مدري وش وراها=لاتهاوت صدري الشامخ ولا معهـا ذريعـه
الحقايق كل مـن يفتـح دفاترهـا قراهـا=والوثايق فالمحاكم والقضـا حكـم الشريعـه
من تمعن فالليـال الماضيـه يذكـر عطاهـا=ومن تناسا بيتذكر صبـح باكـره وتبيعـه
والتجارب ما تدرس كل من كفـه كواهـا=والتطبع مايفيد ان صارت اطباعـك طبيعـه
والاوادم يابن ادم ماحـداً يملـك رضاهـا=المحـارب مايـدور لا شفيـع ولا شفيعـه
اتغـنـى واتمـنـى واتفـاخـر واتبـاهـا=واتمشى بالقـدم فـوق الشواهيـق المنيعـه
ماتزحـزح فاليالـي مستـواي ومستواهـا=من قديم الوقت اهد خطامها نحـو الطليعـه
عن طمان الالسن اللي غلها يخـدش حيـاه=في قنـوات الفتـن امـا مذيعـاً او مذيعـه
للجبال اللي يذكرني صفـآ خلـي صفاهـا=وللفريد اللـي محملنـي فراقـا ماستطيعـه
منه اسلي خاطري وابعد عن الناس وغثاهـا=واتصفح مابقى مـن ذكريـات اول ربيعـه
يوم كان الوصل يثمر فـي مواعيـده لقاهـا=وايتقادم كل شوق بلهفتـه يسبـق رضيعـه
سرمديات المشاعر صوبهـا حثـت خطاهـا=تقطع البيدا تحن وتمشـي الخطـوه سريعـه
ايتجـلا كـل ليـلا لا تلاقينـا ضيـاهـا=مثل صبحا يدحم الضلما من المشرق شعيعـه
فالجمال بكل مايملك من اوصافـه شراهـا=لين طوقها وصارت بالبهـا صـوره بديعـه
والقصايد كلهـا لـه ان بغـا او مابغاهـا=لو يغيبّه الغياب اللي ملا صـدري وجيعـه
بينـي وبينـه ذيابٍ يرهـق العالـم عواهـا=نسل ساداتـاً مواقعهـا المنصـات الرفيعـه [/poem]

ارحب ياجايز
ومن طوّل الغيبات جاب الغنايم
ومتصفحك هذه الليله غنيمة شعر دسمه
لاعجمت ولاهفيت ياكحيلان

ارحب ارحب ياجايز



يالله انك تحيييييييه






منه اسلي خاطري وابعد عن الناس وغثاهـا
واتصفح مابقى مـن ذكريـات اول ربيعـه




ياسلام عليك





صح الله لسانك







ولاهنت



وافيه وانت وافي





لك تحياتي
ابو احمد

جايز

صح السانك ولاهنت

قصيده طيبه من راس طيب

لك تحياتي

جزل يا جايز

صباحي مع قصيدتك هذي / غيرررررررر

صح الله ألسانك يا القرم

ولا هنت على الوافية

ارررررررررحب ياجايز



وصح لسانك يالقرم



قصيدة شاعر مبدع ومتمكن



لك تقديري

والتجارب ما تدرس كل من كفـه كواهـا
والتطبع مايفيد ان صارت اطباعـك طبيعـه


اررررحب مدد يالغاالي جايز لاعدمت ولاهفيت صح لسانك واعتلا شانك

سيناريو مفردات تستحق القراءه اكثر من مرره في ذمتي

جايز الأكلبي
شاعر دائماً تقدم الأفضل المتكامل وتبرر مناسبة كل نص تكتبه .

صح لسانك ودام تواصلك الثري


:
:

وش وراها غلطة الاصاحب مدري وش وراها
اعتقد ان الاصاحب تُريدها الاصحاب

/




صَح لِسَانُك شَاعِر الندَاوِي

قَصِيْدَة طَيِّبَة وَتَحْمِل فِكْرَا مُّنِيْر

تقْبَل مُرُوْرِي الْمُتَوَاضِع

تَقْدِيْرِي



/

صح لسااااااانك


قصيده وافيه من كل النواحي


مودتي

ابو مقبل

الله يحييكـ يالقرم


وتواجدكـ اكبر غنيمه طال عمركـ

شاعر ويشرفني مروركـ

جزيل الشكر لشخصك

اخوك

الصديق الغالي

ابو احمد

مناور بن هاجد

الله يبقييكـ يالقرم وصح بدنكـ

واشاده اعتز بها طال عمركـ

غالي وتواجدك غالي لا عدمتكـ

جزيل الشكر لشخصكـ

اخوك

حسن الوطري



صح بدنكـ يالغالي


والاطيب مروركـ وتشريفكـ للقصيده


جزيل الشكر لشخصك



اخوك

ظافر الهرمسي الهاجري

صح بدنكـ وتواجدك شرف

جزيل الشعر على مرورك العطر

مودتي لك

اخوك

هادي بن عسكر


الله يبقيكـ يالقرم

وعلم من اعلام الشعر اسعدني بتواجده


صح بدنك ولا عدمناكـ طال عمرك


اهوك