ياحمام ناح

[poem=font="Simplified Arabic,5,#B20F6D,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياحمامِ ناح من فوق الخضاره = شاع نوحه في خبوت المهمّهيه
من غلا بالقلب يشهق باحتضاره= شيبت راسه عقول(ن) عنجهيّه
كنهّا الأشواق تشعل به أواره = في حنايا الجوف تنذر بالمنيّه
من زرع لله يحصد من ثماره = والمحبة غاية النفس النقّيه
من يموت الحي بالدنيا خساره = والخسارة موتتي والعظم حيّه
مانويت القول - يكفي إختصاره = غير خلي لاتعدوني وفيّه
تل جذعات المشاعر تل غاره = واستباح محرمات الدين فيّه
صد عني زاد قلبي في دماره = والعيون اللي تمنّعها خطيّه
هز قلبي هزة جناح الحباره = يوم جاها الطير يرجي له عشيّه
يكفخ الجنحان من زود الطّفاره = مغرم بعشق الجميله والفتّيه
هزّني يعرف مضامينه وكاره = هزّني هز الرياح الموسمّيه
ذكّرتني جرح بالقلب انحشاره = لين صار الجرح مجهول الهوّيه
له ثلاث سنين عدّن بانكساره = والمدامع سادت العين الشّقيه
خبروه إن كان يمّنينا زياره = والله إنه أقرب لفاتح شهّيه
أو أمير(ن) حاكم زمام الإماره = يامر وينهي وأنا بامره رضّيه
جعل غيث الديم يسقي لي دياره= هو ربيع القلب مزهر كل فيّه [/poem]

صح لسانك

مضاوي
ودمتي كما تُحبين

مضاوي نجد

صح لسانك على هذا النص المُتقن

صح لسانك وسلم بنانك

تـل جذعـات المشـاعـر تــل غــاره
واسـتـبـاح مـحـرمـات الـديــن فـيّــه

مضاوي نجد ونص استباح الشعر وغفر لمفردة الوجدان
لاعجمتي

أخي مشعل بن جريد صح بدنك ولاهنت

أحترامي وتقديري

تـل جذعـات المشـاعـر تــل غــاره
واسـتـبـاح مـحـرمـات الـديــن فـيّــه

الله الله


ابدعتي يامضاوي

صح لسانك يالنشميه

موفقه

مضاوي نجد

صح السانك

قصيده في منتهى الجمال والروعه

تقبلي تحياتي

مضاوي نجد

صح لسانك على هذا النص المُتقن

أخي الاستاذ الشاعر حمد الدليهي

صح الله بدنك ولاهنت

أحترامي وتقديري