[align=center]السلام عليكم ورحمة الله وبركاته
أسعد الله جميع أوقاتكم بالخير والمسرات كما أنه
يسعدني ويشرفني بأنضمامي معكم في هذا المنتدى الشامخ
وأتمنى أن ينال على اعجابكم بما أطرح في هذا المنتدى،،،،،[/align]
[poem=font="Simplified Arabic,7,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
رن الجهاز وثار صمتي ورديت=يامرحبا وأهلين يا أغلى الحبايب
اللي على شانه سهرت وتعنيت=واللي جعل راسي من البعد شايب
لا شفت رقمه يا خلايق تشاويت=كني سقيم(ن) وأصبح اليوم طايب
ومن شوقي لشوفه ومما تمنيت=أسابق أبراجه وحتى الهبايب
وليا تذكرته على طول حنيت=حنت غريب(ن) ما لقاله قرايب
وأن جيت أسلي خاطري ما تهنيت=ما كني إلا ّغارق(ن) في مصايب
بنيت له في القلب من حبنا بيت=وأسكنته بقلبي ولو كان غايب
يقول وشبك ياحبيبي تماديت=حطيت في صدري جيوش وحرايب
وأقول عن حبك ترى ما تناسيت=إن تبت عن حبي فلاني بتايب
تبقى حبيبي دون لجنه وتصويت=وأبقى حبيبك لو تزيد اللهايب
مديت لي فنجال حب وتقهويت=وأشبعت كيفي منك يا أغلى الحبايب[/poem]
[align=center]جازع مهدي آل سفران[/align]
[/align]
تعليق