** ( ليه الخلايق كلها اليوم ضدي) **

[align=center]

ليه الخلايق كلها اليوم ضدي ..؟؟
وليه اتعبوني في حقوق وطلايب ..؟؟


وليه البخت عيا يجي مثل ودي ..؟؟
كل ماتعدل ..يرجع البخت خايب.


لأبسط حقوقي ..لازم ادخل تحدي .
وجتني المصايب .. في ظهرها مصايب


امســــــلطات .. فوق حـــــــــيلي تهدي
ضربـــاتها مابين مخـــــــــــــطي وصايب


مدري شقول ؟ وأيش أأخر.. وابدي ؟
الهم حاضر ..والفرح صار غايب

هذا كلام ٍ قلته امس .. المــــعدي
احسب هموم الدهر يوم انت غــــايب

والان يوم اصبحت موجود.. عندي
شوف البشر وش لون صارو حبايب

يدرون اضعف.. يوم عني تصدي
وليا حضرت اخلي الصلب.. ذايب

محد ٍ يــــــــــساويني.. ولا فيه قدي..
واهيب الي مـــــــــــا غدا يوم هايب


الارض ارضي والسماوات حدي
والي تــــــحداني يشوف العجـــــايب

ياقوتي .. ياســــــر جزري ومدي
يانظرة ٍ .. خلت ثلوجي لهــــــــايب

ياليت ابوك من احدا .. عيال جدي
انصاهـ.. ماصار اسود الشعر شايب


(وسلاماتكم)
[/align]

ماجد بن عفيصان
هلابك وصح لسانك، شاعر تتمتع باختيار المفرده المتوافقه لما تهدف .


لدي ملاحظه
والان يوم اصبحت موجود.. عندي

عندي توظيفها صح وليس الأصح تساوياً مع البقية لتشديد حرف النون قبل الدال





لأبسط حقوقي ..لازم ادخل تحدي .
وجتني المصايب .. في ظهرها مصايب

وجتني مصايب .. في ظهرها مصايب
لاداعي للألف واللام

تقديري واحترامي لشخصك ودام تواصلك

اررررررررررررحب ياماجد



وصح لسانك يالقرم




قصيدة رائعه من شاعر مبدع



تقبل تقديري

ياهلا والله ويامرحبا بالشاعر حمد الدليهي ...

وبيض الله وجهك على هذا النقد الهادف .. فالشعر لايرتقي بالمجاملات .. لاخلا ولا عدم .

ولكن ان سمحت لي ابرر .. فانا اكون لك شاكر .

بخصوص كلمه (عندي) .. انا التزمت بالقافيه من حرفين ( د - ي ) .. والقافيه المشددهـ .. ( د-د-ي)
وقافيه الحرفين في الشعر سليمه .

اما بخصوص ( الـ ) .. فهي لضبط الوزن لا اكثر .. والا المعنى سليم في الحالتين .. عسى عمرك طويل ..


وارجع واقول هذا مجرد تبرير ومنك استفيد .. لا تعتقد انه نقاش او اصرار على رااي هههههههه

بيض الله وجهك الف مره يا حمد .. وشاكر سعة صدرك .. وان شاء الله نطرح مايروق لذائقتك لاعدمناك

السلاه عليكم ...


جميلة يبن عفيصان \



صح لسانك


تقبل التحبة


فهد

صح لسانك وطاب بيانك ياماجد
شاعر رائع واخلاقك رائعة

مرحباً مليون يابن عسكر ....

صح بنك عسى عمرك طويل ..

وبيض الله وجهك على اذا التواجد والمتابعه

وعليك السلام يابن محفوظ ...

صح بدنك ولا عدمنا تواجدك .


وان كان بالقصيده جمال .. وجود اسمك في صفحاتها زادها روعه

مرحباً مليون بالشاعر (سعيد الاكلبي )


صح بدنك طال عمرك ..

ولا هنت بيض الله وجهك

الْلَّهُم صَلِّي وَسَلِّم عَلَى مُحَمَّد


قَصِيْدَة طَيْبَه ..

زرعَت الْابْدَاع وَحَصَدْت الْتَّأَلُّق فِي هَذَا النَّص

صَح لِسَانُك


تَقْدِيْرِي

عليه الصلاه والسلاام ..


هلابك يا معاني الشوق ... وياالف سهلا


صح بدنك لاعدمنا حضورك ...

وان شاء الله .. مانطرح الا كل مايروق لذائقتك .. وذائقه المتألقين امثالك

القدير ماجد بن عفيصان

نص مميز جدا ورائع في اختيار محدد وموفق في الوقت ذاته لانتقاء المفردات في مواضعها الصحيحه

شاعريه عذبه اعجبني جدا سلاسة النص وجماله

دمت بالف خير

[B].. شواهق نجد ..

كل الشكر وفائق الاحترام لك ِ على هذا التواجد الرائع


والروعه ليست بصفه جديده على كل ماتسطرهـ اقلامك ....

صح بدنك .. ولا عدمنا تواجدك وردودك العذبه[/B]