الله يبيحه,,,,,,,,,,

الى اخوتي وخواتي بهذا الصرح العملاق,,,لتواصل اهديكم هذه المتواصعه,,

[poem=font="Simplified Arabic,6,undefined,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

البارحه مابين غايب وموجود=محتار بين المبهمه والفصيحة



اغيب وابعد تالي الليل واعود= واشطب على اللي كاتبه بالصفيحة



وادور حول الباب والباب مردود=حتي عرفت ارموز قفل الشريحة



يوم انفتح جتني سميرا مع عهود=ونجلا ومستوره وريم وسميحة



بيضٍ وحمر وسمر وعيونهن سود= اشكال بس الكل منهن مليحة



متوزيات اردوف وكتوف ونهود=وفيهن بعد من ليحة الضبي ليحة



اليااقبلن كلٍ تقول عندي الزود= واليا ادبرن فرقا ياراع النصيحة



صفن بصف وريحة الكاد والعود= يازينها ياصاحب العرف ريحة



بذلت في تذليلهن كل مجهود= يوم انها بانة خطوط القريحة



يوم انجبن مني زمرد وبارود= سريت بين الطايحه والجريحة



وجنبتها عن غطرسة كل بالود= وعرضتها لفجوج نجد الفسيحة



عندي ثقه بالسيف ابو حد مجرود=يطيح من سرج الاصيله نطيحة



لكن لي شيمه عن الطفل والعود= واللي معاشرها يجيب الفضيحة



عشقت عنها كل ماذعذع النود= غديرٍ ازرق بين سدره وشيحة



ونارٍعليها يابس السدر منضود= ومزوح بين اهل الوجيه الفليحة



اللي خطاهم دايمٍ ماهومقصود= اهل المواقف والفعول الصحيحة



والادمي يسعى وله يوم موعود= ياسعد من قالوا عسى الله يبيحة[/poem]
محمد سلمان الوهيداني

قصيدة طيبة من رآس ٍ طيب

( وعز الله أنها قصيدة )

صح الله ألسانك وعلا شانك

لا هنت

محمد صح الله لسانك نص راقي يستحق الاشاده

محمد


صح الله لسانك
نص راقي يستحق الاشاده

تحياتي لك

واشطب على اللي كاتبه بالصفيحة

!!
عزالله قصيدة جزله جدا
وقريحة صفّت لها مزايين الهجوس
لاعجمت يامحمد

الوهيداني
لاتتأخر في ماهو قادم
صح لسانك