قصيدة بمناسبة زيارة خادم الحرمين التاريخيّة للبحرين ( تاريخهم مايفتله قول هرّاج )

[align=center]تاريخهـم مايفـتله قـول هـرّاج[/align]
[poem=font="Simplified Arabic,5,#0300FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
هلّت تفاكيـري على دق مهـباج = يوم أكـثر الأفـكار تاتي من الـدوج
شدّيت بيتٍ للشعـر ينقل أفـواج = تلحق به القـيفان فـوجٍ ورا فـوج
موصوف بدلالٍ بها الهيل فـوّاج = بالزعـفران وصافي الورد ممـزوج
زانت على عذب الموارد والأفلاج = وبذوقـها سـادت على كل منتـوج
للضد عوق وللخـوي طب وعلاج = واللي طلبها عـون تاتيـه بفـلوج
خلطة طرب تصعـب على كل حوّاج = أسـرار كـيف مصـيّخاتٍ بلدروج
أعـددتها للي ملك طيـب الأنواج = وزين المعاني عـطرها مايبي روج
يامرحـبا بللي له القـلب وهّـاج = وإسمه غدى في خانة الشوق مدروج
باتت مشاعـرنا على حامي الصاج = ترقـب مـزونٍ تترك الصدر مثلوج
مرحب بأبو متعب تراحيب الأمواج = بالشامخات اللي إيتخضّع لها الموج
قال الشعـر يـومٍ قرا زين الإنتاج = عذرا القـصايد مالها غـيركم زوج
حيّيت ياساكن من الطـيب الأبراج = يامن علم خيرك شهد فـوق لبروج
أخضـر به التوحـيد دينٍ ومنهاج = والسيف قـوّه طرقها يعدل العـوج
لي شافه العـايل جرى بين الأفجاج = والجار يامن به من الضـد وإيلوج
صنت العوايد صون وأضويت لسراج = فوق الجبل يوم أكثر السلم مسهوج
ياما صـدر قلبك بطاقات الإفـراج = كم فرّجت ( تكفى) سجن كلّ مزجوج
عبدالعزيز أورث لك الجـود والتاج = وجينات شمّر ساجتك للعفـو سـوج
سجّل ياتاريخ العرب بأخضر الزاج = جيّـة ملك كلّن بها صـار مبهـوج
ساق السحـب من طلته ماي ثجّاج = صارت به البحـرين ريضان ومروج
دونك ملك ماصـك قـلبه بمـزلاج = لي قال أبومتعب غـدى القلب مفجوج
مسراه شوفـتْك ورضاكم له إعراج = فيه الوفا يطـرد على خيل مسروج
حـرٍّ إلى مـن غايته تنـوي الراج = إتفـز مـن نيّة خوافـيه وتـروج
ماقفّـل البيبان في وجـه محـتاج = ولاشان وجـهه في يدٍ تسأله حوج
يحسب خـرز صبره ليا ثار لعجاج = ماثـار مسباحـه مع ثـورة الهوج
كم من غـريق بفعلته أصبح الناج = يومٍ حمد يبسط له الكـف مبهوج
واللي وقـف في منبر الزور حجّاج = روّح على درب الملامات محجوج
نعم الملك يومٍ حـمى الدار بسياج = دستور نهجه بالعقل صار منهوج
الشعر ماهو عن لقا الود سوهـاج = وهـذا قصيدي بالعذيّات مدمـوج
إخوان فيهم شعـري اليـوم لهّاج = والحق في نصرة هل الخير ملهوج
تاريخهـم مايفـتله قـول هـرّاج = إمطـرّزٍ في ثوب وايل / ومنسوج
على سجاجـيد الغلا عـزّ وإبهاج = حقيقـةٍ ماهـي دعـايات كتلـوج [/poem]


[align=center] ظما الوجدان / مملكة البحرين
18 / 4 / 2010[/align]

/

ظَمَا الْوِجْدَان
مَاشَاء الْلَّه تَبَارَك الْرَّحْمَن .. فَتاة أبْهَرّت الْجَمِيْع وَلَاتَزَال ..
أَحَادِيْثُهَا دُر وَدُر كَلَامُهَا وَلَم أَر دُرّا قَبْلَها تَنْظِم الْدُّرَّا
لِّلّه دُرّك لَقَد قَرَأْت شِعْرِا هَذَا الْمَسَاء
أَرَويَّتِي الْذَائِقَه بِهَذِة الْفَاتِنَه الَّتِي جَاءَت
مثل صَافِي الْأَدِيم وكَأَنَّمَا أَلْبَسْتَها
مَن سُنْدُس بُرْدَا وَمَن إِسْتَبْرَق
فِيْ مَن يَسْتَحِق الْثَّنَاء وَالْمَدْح
صَح لِسَانُك حَتَّى الْرِّضَى
مَدَد بِلَا عَدَد
تَقْدِيْرِي

/

الشعـر ماهـو عـن لقـا الــود سـوهـاج
وهــــذا قـصــيــدي بـالـعـذيّــات مــدمـــوج
صدقتي ياضما الوجدان وليس ضما الحرف الجزل والقصيد الرائع
صح لسانك وطاب بيانك

ضما الوجدان

صح السانك

قصيده وافيه ومعبره

تقبلي تحياتي

ضما الوجدان



صح لسانك وسلم بتاتك

أخضر به التوحيـد ديـنٍ ومنهـاج
والسيف قوّه طرقها يعـدل العـوج
:
:

عبدالعزيز أورث لك الجود والتـاج
وجينات شمّر ساجتك للعفـو سـوج


ارتوينا ياضما بأستقبالك الشعري الملكي لملكاً يستحق

/

ظَمَا الْوِجْدَان
مَاشَاء الْلَّه تَبَارَك الْرَّحْمَن .. فَتاة أبْهَرّت الْجَمِيْع وَلَاتَزَال ..
أَحَادِيْثُهَا دُر وَدُر كَلَامُهَا وَلَم أَر دُرّا قَبْلَها تَنْظِم الْدُّرَّا
لِّلّه دُرّك لَقَد قَرَأْت شِعْرِا هَذَا الْمَسَاء
أَرَويَّتِي الْذَائِقَه بِهَذِة الْفَاتِنَه الَّتِي جَاءَت
مثل صَافِي الْأَدِيم وكَأَنَّمَا أَلْبَسْتَها
مَن سُنْدُس بُرْدَا وَمَن إِسْتَبْرَق
فِيْ مَن يَسْتَحِق الْثَّنَاء وَالْمَدْح
صَح لِسَانُك حَتَّى الْرِّضَى
مَدَد بِلَا عَدَد
تَقْدِيْرِي

/

[align=center] أختي العزيزة معاني الشوق
حلاوة قلبك سبقت حلاوة قلمك
لبست من عسجد حروفك عقد ثمين ساظل محتفظة به
عزيزتي : لقد أخجلتيني بكرم مشاعرك النبيلة
أصيلة يامعاني ، وأبونا الملك عبدالله بن عبدالعزيز يستاهل أكثر
تحياتي لروحك الأجمل [/align]

الشعـر ماهـو عـن لقـا الــود سـوهـاج
وهــــذا قـصــيــدي بـالـعـذيّــات مــدمـــوج
صدقتي ياضما الوجدان وليس ضما الحرف الجزل والقصيد الرائع
صح لسانك وطاب بيانك

[align=center]مرحب بأخوي سعيد
صح عمرك ياخوي
حضور من نور كقلب صاحبه
أسعدني إحساسك الكبير بالقصيدة
تحياتي وتقديري[/align]

خلطة طرب تصعب على كل حـوّاج ==أسرار كيـف مصيّخـاتٍ بلـدروج

ايوالله تصعب على كل حواج

صح لسانك اختي ضما الوجدان على هذه القصيدة التي ذكرتني بقصائد الشعراء الكبار

قصيدة محبوكة من المبداء الى القفلة وتحتوي معان وجزالة افتقدناها في كثيراً من القصائد

ضما الوجدان

صح السانك

قصيده وافيه ومعبره

تقبلي تحياتي

[align=center]
صح قلبك ياخوي حسن

سعدت بمرور تقديرك من هنا

ماعليك زود ياالوافي ، كلّك ذوق

تحياتي وتقديري[/align]

قصيدة ملكية من يرنسيسة الشعر الخليجية !


لا فض فوك ... كما يُقال ( لا طيب بعد عروس )

ضما الوجدان



صح لسانك وسلم بتاتك

[align=center]
صح عمرك كله ياخوي هادي
مرورك زاد المتصفح نور طال عمرك
تحياتي وتقديري[/align]

أخضر به التوحيـد ديـنٍ ومنهـاج
والسيف قوّه طرقها يعـدل العـوج
:
:

عبدالعزيز أورث لك الجود والتـاج
وجينات شمّر ساجتك للعفـو سـوج


ارتوينا ياضما بأستقبالك الشعري الملكي لملكاً يستحق

مرحبا وغلا بالأخ حمد
الله يرويك من نهر الكوثر ياخوي
الله يعلم إن البحرين وأهلها عاشوا أيام العيد بزيارة الملك عبدالله بن عبدالعزيز
المملكتين قلب واحد والله يحيي هالقلب على طاعته
سعدت بمرور روحك النقية