غنى على لحن القصيد معزوفة !!!!

السلام عليكم ورحمة الله وبركاته ؛؛؛
تجربة أتمنى ان تكون ناجحة واتمنى ان تمر بسلام




[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كريم يابرقٍ سرى يرعش ارعاش = ينفعك يوم انك بعينك تشوفه
برقٍ بياضه فالسما ابيض من الشاش = هذاه وصفٍ مختصر من وصوفه
والوصف الآخر لابرق كنه فلاش = من كمرة مصور يسوي بروفه
ليله سرى ساريه والمنظر بلاش = خصٍ لاقام يجر مقدم قنوفه
صورة بديعة تدهش العاقل ادهاش = الله مسويها ومنه المروفه
منشي مزونٍ جالها وبل ورشاش = سحابةٍ غرى بالاسم معروفه
صوت الرعد فيها تقل صوت رشاش = الخايف اليا اوحاه يزداد خوفه
تآخذ ثلاث ايام يبرد بها الجاش = وتروي كبودٍ للطبيعة شغوفه
منوة هل الذود المفلي والادباش = عقب الدهر والوقت شانت ظروفه
بدوٍ على الميسور تحيا وتعتاش = حتى ايش لو انه لحقهم كلوفه
توسعوا فالبر عن ضيق الاحواش = والكل منهم راح يطرد شفوفه
مرة ورى عرعر ومرة ورى جاش = ومرة على طراف نجد وينوفه
من وين ماطاح المطر ساق الابواش = يتبع هواها والهبايب تلوفه
واليا لفاه من المطاريش طراش = قرب سكاكينه وعلّق خروفه
ومر الزهاب وجاب له زل وفراش = وادنى معاميله وغسّل كفوفه
وسوى لهم بريةٍ تنعش انعاش = وعدى فناجيله على اكبر ضيوفه
ودارت سواليفٍ لها الراس شواش = الها حلا والها مذاق وطروفه
وان فيهم شاعرٍ عملته كاش = غنى على لحن القصيد معزوفة
هاذي طراة الروح يالشيخ عماش = والعمر له مدة ولابه نكوفه
يازينها لاجيتهم وقت مغباش = قدام نور الصبح ينسخ حروفه
ابعد عن الصجة وعن طاش ماطاش = الفرقه اللي ماعلاها حسوفه
واحدهم اليا جاك مايرمش ارماش = يزري من النعمة يوزان كتوفه
واليا بغيته حزة الضيق ينحاش = واما السعة يزمر ويضرب دفوفه
واليا بحثته في علومه ليا ماش = ومن حين تقفي قام يشهر سيوفه
غشاش واللي يعتزي فيه غشاش = وعن خوته نفسي تراها عيوفه
مسليمة كاذب وخاين وبكاش = ماينتصدق لو يكثر حلوفه
والحر وكره مايجي فيه خفاش = والديك شكله يتضح من عروفه
راس الظبي معروش ماباقي عراش = ياللي تدّور بين بصره وكوفه
الساحلي وشلون يبعد عن الطاش = مثل الهفوفي مايخلي هفوفه
والموتر اللي لامشى يقرش اقراش = مايعجبك ممشاه والا وقوفه
دفه بدرب السيل والسيل قشاش = ليت ولعل إنه ينظف بلوفه
هذا وانا اللي من عنى الوقت منداش = ازريت لا اقاوم عناه وصدوفه
غنيت قيفاني وعاش الادب عاش = وعاش الاديب اللي فرى الوقت جوفه[/poem]

صح الله السانك وعلا شانك

تقبل مروري وتحياتي

ناجحه ياسعود ناجحه وانت شاعر جزل


ليله سرى ساريه والمنظـر بـلاش
خـصٍ لاقـام يجـر مقـدم قنوفـه

ياسلام سلم

وان كان فيهـم شاعـرٍ عملتـه كــاش
غنى على لحـن القصيـد معزوفـة

وانت غنيت اجمل معزوفه

استرسال وتمكن

وقافيه لا يكتب عليها الا الكبار

صح لسانك واعتلا شانك يا سعود

وتقبل محبتي وتقديري

منوة هل الـذود المفلـي والادبـاش
عقب الدهر والوقت شانت ظروفـه
بدوٍ على الميسـور تحيـا وتعتـاش
حتى ايش لـو انـه لحقهـم كلوفـه
:
:
مرحبابك ياسعود وسعدنا بهذا النص الكوكتيلي بماوظفت به

اي والله عاش الاديب
قصيدة رائعة جدا جدا
وهذي ليست تجربة هذا شعر وشاعر يعرف مخارج حروف الشعر ووضائفها
تسلم ياسعود

واليا لفاه مـن المطاريـش طـراش
قـرب سكاكينـه وعلّـق خـروفـه
ومر الزهاب وجاب له زل وفـراش
وادنـى معاميلـه وغسّـل كفـوفـه
وسوى لهـم بريـةٍ تنعـش انعـاش
وعدى فناجيله على اكبـر ضيوفـه










صح الله السانك وعلا شانك

تقبل مروري وتحياتي

سعود

صح السانك ولاهنت

قصيده وافيه ماعليها كلام

لك تحياتي

اررررررررررررحب ياسعود



وصح لسانك وعلاشانك



قصيدة رائعه من شاعر مبدع




لك تقديري