سـؤآل مآبه حــَلْ!!!

من جعبة التواااضع
تناشد القبول قبل المرور



*


*


*






[poem=font="Arial,6,#050500,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
لاتنشديني يانَبض كل معلوق = عن حال نحّات الصخر في ركونه
اليا كتمت ارتحت ماصحت غالوق = لو العنا مني يفصّل اردونه
صمتي مخافة يتضّح للملا افتوق = من هم بافراحي يخلّص ديونه
انا تفاصيلي من الموق للموق = تكفي عن اللي لو شكيته ياهونه
عند الذي مطلق لسانه بلا اسبوق = تفّاق تفريق ٍ بليّا مصونه
اللي شفوفه مْعه مطرود ملحوق = والحظ الاسود ماوسم فيه شونه
لوليّ وجه من التبلاّج مسروق = ترى السبب ماكلّهم يعرفونه
من حزني اللي لو سكن عين مخلوق = صار العمى له رحمة ن من عيونه
تعاستي عني زبيدي ورقروق = في قربها وابشع صوَر فالنمونه
وسعادتي عني قزَح لاظَهر طوق = اشوفها من بِعدها وسط لونه
وقتي يعاملني مثل سيّد السوق = اللي عدد رَمشة عيونه زبونه
نوب ن يسوق بضاعته سعر مطبوق = ونوب ن زبونه تحت رصّة سنونه
في عز بردي دفوتِه بشت مشقوق = وفي عز قيضي هبّته من دخونه
اليا ابتسمت يخزّني خزّة العوق = وان جيت اصافح ردّني في خشونه
وانا احمد الله حط بي جملة افروق = اشعر بها لاشفت بالغير بونه
من فجر ميلادي وانا نظرتي فوق = لمعة صقيل ن يسقط الشوف دونه
وافي وفايا صدق عاشق لمعشوق = طيّب وطيبي فاالوسامي مزونه
صادق وصدقي عابد ن يكره البوق = ولاجيت اعامل جيت كلي مرونه
شجيع لو ماهو زمن شلف واحلوق = في حق ولا الظلم ماارقى متونه
كريم لو ماشفت من قل مااذوق = من كبدي اقطع للمعنّز معونه
وانتي تنشّادك مهو لسآن مطفوق = آدري بحرصك, حرص كآدح لشونه
فديت سودٍ لدّها اغضاي برفوق = اغضاي مخمورن عزومه تخونه
وفراولتك اللي بها الدم مخنوق = مبلولةٍ ومع الركون امخبونه
وفديت شلال ن على البرق مفروق = شقار نار وبالمخلّط دهونه
وفديت عمرن يجمع الوسع والضوق = بين الصلابه والروى والليونه
وفديت لبّه دونها يذبح الشوق = تقول من قطن الربيع امعجونه
بزوغ قمراً من ورا سد شاهوق = في عز ليل ن زان جوّه سكونه
افداك لآنك في الحشا طنب مطقوق = طنب ابدوي ن ماتكفّىّ صحونه
اللي يعيشك حب ماودّه ايفوق = فيّتك دوح ن كالعرايش غصونه
وانا ادري انك من تحت قيد ماثوق = في عيشة ٍ فيها الهموم امحقونه
في كف قضاب ن يحوق القشر حوق = شرس ن على حقّه تناقز جنونه
مثل البليهي لافخت مرتع النوق = في زمهريرن يصدع الضلع كونه
لاهو سقى زرع ن يبس فيه زملوق = ولا هو ترك طيره يفارق سجونه
فخّى على عش ن من الجنب مخروق = وجاوب مع ابليس الخبايث لحونه
الله يغربل كل اناني ومصفوق = اللي على الدنيا هيال ن احصونه
وادري بان الوضع ماهوب مطيوق = وقلوبنا من صلف ظرف امغبونه
واحلامنا لوهي كبر رَشْفَة الذوق = في عين واقعنا مضرّة جفونه
وانا معك في نزعة الهم فاروق = اقرب من اسمٍ ن ماانعرفتي بدونه
لذا سؤالك نقّض اجروح واحروق = خلي خفوق ن من مياسم حزونه
لاتنشديني لو لك احقوق واحقوق = سؤال مابه حل؟ كنّه مهونه[/poem]




وسلاااااااامة الجميع ..

الله يسلمك وصح اللسانك يابن علي

صحيح
سوال مابه حل كنه مهونه
لاعجمت ياعبدالله
نص كسابق نصوصك
الجزالة اينما تحل

عبدالله بن علي

صح لسانك ، شاعر مقتدر وتتقن تدوين ماتشاء

ومن قال سالم

وصح الله ألسانك

لا هنت على الجزالة

اررررررررررررحب يابوعلي




وصح لسانك ملاييييييييييييييين



شاعر مقتدر ومتمكن ومقبول عندالله وخلقه



تقبل تقديري

القدير



هادي بن عسكرر


لا خلا ولا عدم
من مرورك العطر طال عمرك



دمت كما أنت






*************

أخي عبدالله
أرحب تراحيب المطر
نص لا أستطيع أن أجاريه ولو ببيت
كيف لي بكل هذه الجزاله



تقبل تحيات أخوك غريب
ابو ولايــــــف

،
،،

الله يغـربـل كـــل انـانــي ومـصـفـوق
اللـي علـى الدنيـا هـيـال ن احصـونـه
وادري بان الوضـع ماهـوب مطيـوق
وقلوبنـا مـن صلـف ظــرف امغبـونـه
واحلامنـا لوهـي كبـر رَشْـفَـة الــذوق
فــي عـيـن واقـعـنـا مـضــرّة جـفـونـه


صح السانك ولا هنت


تقديري

القدير


محمد بن هضيبان


صح
بدنك



ولا هنت
على مرورك


دمت بخير






************

/


الْلَّهُم صَلِّي وَسَلِّم عَلَى مُحَمَّد

قَصِيْدَة طَيْبَه ..

زرعَت الْابْدَاع وَحَصَدْت الْتَّأَلُّق فِي هَذَا النَّص

صَح لِسَانُك


تَقْدِيْرِي


/