,, اسهل لقا واصعب لقا ,,

مع التحيه والتقدير للجميع

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
اهلا هلا يا اللي بحد المنعطف فيك التقيت=اسهل لقا يوم التقيت بطلتك واصعب لقا
تبغى الحقيقه ما هقيت الاستباحه ماهقيت=حتى الخفوق اللي يذود عن المشاعر ماهقا
اسقيتني من دلّت الاشواق فنجال وشقيت=وانا قبل ماذوق فنجالك بعيد عن الشقا
لجلك سقيت بمهجتي بذر وبدا لجلك سقيت=ولا حسافه من بذر لجلك على الحس وسقا
مدري وش اللي من كثر همسك على احساسي لقيت=ومدري هو الاحساس من كثر احتباسه وش لقا
رحت ورجعت وفي محلّك لا نزلت ولا رقيت=الا الغلا يرقا الغلا واحد على الثاني رقا
زرت الخيال بجيتك لو انت رحت وما بقيت=الا خيال(ن) من خيالك حرّك القلب وبقا
اهلا هلا يا اللي بحد المنعطف فيك التقيت=اسهل لقا يوم التقيت بطلّتك واصعب لقا[/poem]

وسلامة عيون من تابع

نص رائع وهندسة قافيته مميزة
مرزوق الله يرزقك بالجنه
صح لسانك وطاب بيانك

مرزوق صح السانك


تبغى الحقيقـه مـا هقيـت الاستباحـه ماهقيـت
حتى الخفوق اللي يـذود عـن المشاعـر ماهقـا
اسقيتني مـن دلّـت الاشـواق فنجـال وشقيـت
وانـا قبـل مـاذوق فنجالـك بعيـد عـن الشقـا



يسلام عليك





مدري وش اللي من كثر همسك على احساسي لقيت
ومدري هو الاحساس من كثر احتباسـه وش لقـا



صح السانك


مره ثانيه

رحت ورجعت وفـي محلّـك لا نزلـت ولا رقيـت
الا الغلا يرقـا الغـلا واحـد علـى الثانـي رقـا

صح السانك وعلا شانك يا مرزوق

مبدع يامرزوق وأستمتع دائماً بماتطرح

نص رائع وهندسة قافيته مميزة
مرزوق الله يرزقك بالجنه
صح لسانك وطاب بيانك

مرورك اروع اخي الغالي

سعيد

وصح بدنك ولا هنت

ارررررررررررحب يامرزوق



ومن قال سالم وغانم



وصح لسانك يالقرم



تقبل تقديري