الصوره : )

.

.

دخلت جو الصوره هذي .. وجابت القصيدهـ كيبورديـّه : )

.

.

[poem=font="Simplified Arabic,5,darkred,bold,normal" bkcolor="transparent" bkimage="" border="solid,2,darkred" type=2 line=1 align=center use=sp num="0,black""]
بعض الصور ما تعدّى كونها صوره=أدنات شاعر من الشعـّار يقراها
وألا بعضها على الشعـّار محظوره=ما كل ّ شاعر يبي يقرأ خفاياها
كل ٍ وله زاويه في بعد منظوره=وأنا حسب نظرتي مـُدرك زواياها
والمـُلهمه جابت الصوره ومشكوره=وأنا علي ّ أجتهد في حل ّ معناها
البعد والخوف والحرمان وشعوره=والبرد والليل والدمعه ومجراها
والبحر حول الجزيره فارض ٍ سوره=والسحب تبرق وترعد ما انتثر ماها
تكالبت كلـّها في وجه غندوره=النـّاس يحيونها والهم ّ يحياها
مابين كلمة فضوليـّه ومغروره=عاشت حياة ٍ غشيم اللـّي تمنـّاها
حتـّيش لو قالوا السـّالين مسروره=شف طول صمت الحزينه وين ودّاها
من برجها العاج تنزل لآجل بلـّوره=تشكي عليها مصيبتها وبلواها
الخبل لو قلت وشهي قال لك كوره=وألا الحزينه تبلور في ثناياها
والسالفه توّها لكن ّ مقصوره=بلـّورة البنت جابتها من أقصاها
قامت تسولف عن التاريخ وعصوره=وعن حب ّ ليلى لقيس وصدق دعواها
وعن واحد ٍ صورته ما جات في الصوره=لو جابته صورة الفنـّان واساها
الشوق في غيبته والأنس بحضوره=والخوف حاديه والهيبه تحدّاها
دنياه الأحزان والكتمان دستوره=وليا بغى حاجته ما عاد يلقاها
وليا طلع من متاهاته وعن طوره=سوّا القصيده ولحـّنها وغنـّاها
وآخر قصيده على الصفحات منشوره=اللـّي على الغيم وصـّفها وحلاها
ولولا التعب في حياته قد لعب دوره=يمديه شطـّب على الدنيا وخاواها
خص ٍ بعد مالقاها مالها جوره=السحر في عيونها والموت بشفاها
لكن ّ غندورته ماهيب مجبوره=تجعل طهوم المشاعر تسكن أرجاها
دام إن ّ الإقفاي والصدّات مقدوره=تقفي بحفظ الولي والله يرعاها
قدّام تقضي عليه وتخلف أموره=ويصير همـّه منادمها ولاماها
النفس قد قيل منهيـّه ومأموره=إمـّا وقفنا لها وألا تبعناها
يقوله اللي لقى صوره ومبتوره=ومن واقع التجربه كمـّل حلاياها[/poem]

: )

سلطان

صح السانك ولاهنت

قصيده ماعليها كلام وافيه

لك تحياتي

سلطان

صح السانك على اللوحه الرائعه

صح الله ألسانك

ولا هنت يا بن حامد على الجزلة

لكن ّ غندورته ماهيب مجبوره
تجعل طهوم المشاعر تسكن أرجاها
دام إن ّ الإقفاي والصدّات مقدوره
تقفي بحفظ الولي والله يرعاها
قدّام تقضي عليه وتخلف أموره
ويصير همّه منادمها ولاماها
النفس قد قيل منهيّه ومأموره
إمّا وقفنا لها وألا تبعناها
يقوله اللي لقى صوره ومبتوره
ومن واقع التجربه كمّل حلاياها




















سلطان


شكرا علي الفكر الراقي


صح السانك


دون اعجابي






تحياتي لك

سلطان


صح لسانك


انت من اضاف الجمال للصوره.

الشاعر
سلطان بن حامد
الله الله

خيال متسع مميز وبعد نظر وعذوبة وتسلسل ممتع

شكراً لهكذا نص

دمت بخير

يقوله اللي لقى صوره ومبتوره
ومن واقع التجربه كمّل حلاياها
مابعد كلامك كلام
لاعجمت يابوحامد

نص سلطان بجزالته ياسلطان بن حامد

مرحبابك وصح الله لسانك

صح لسانك يابن حامد

والله مبدع وممتع ياصديقي

تقديري لك

.