أنشهد أن العيون إلها لغة للعيون ..!!

السلام عليكم ورحمه الله وبركاته ..
تحيه تليق بسمو مقامكم ..
لاجديد سواء عزف ونزف من جرح ..

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أنشهد أن العيون إلها لغة للعيون = تهرج بالاحساس وتعبر بهرج الفواد
حورٍ توصل ليا لدت لحد الجنون = من زينها تصخر الاحساس لوهو جماد
من شافها ضاع في بحر الوهم والظنون = كنها تغني على العشاق ليل الهجاد
فيها من الحسن والفتنه حديث الشجون = ومكحله كحل رباني بلون السواد
يضمها الرمش وبضمته طرفه حنون = أغرق بها وأنشغل فيها واكب العباد
قلت اسمعي يوم لدت قلت والا بدون = مدري ولكن عيونك للمولع بلاد
لقيت بعيونك الثنتين ديرة سكون = ومضارب السيف والفريس فوق الجياد
لو كان بنتي بوقتٍ فات يالزيزفون = ما كان غنو بوقتٍ فات بانت سعاد
الوقت قاسي وخلق الله صارت تخون = كلٍ يدور علي درب المصالح حصاد
ضاع الوفا في قلوبٍ للوفا ما تصون = والناس صارت صداقتها على الاقتصاد
وانا غريبٍ ما دور للمصالح زبون = يعيش وقته علي مبدا ولو ما أستفاد
ياعذب الاوصاف قرب ها هنا لاتهون= أقلط بصدري وتلقا وسط صدري شداد
يانكهة السكر الحالى وريح الدهون = يا ماركة عالميه ما نزلت للمزاد
ياخلطة المسك والعنبر وسحر الدخون =يالغيمه اللي يلاعبها نسيم البراد
يالوحةٍ ما رسمها كل راسم ولون = يا حبكة القهوة اللى بهرت بالقناد
تمون وأضحك فديتك يابعدهم تمون =يا ملهم الشعر فيني لابغيت الوكاد
ان كان في عيونك الحورا ما أشيل اللحون = تحرم على القصايد كان ما أنت المداد[/poem]

الموقع أدناه ..

ياسلام عليك يا خالد


صح السانك ولاهنت

قصيده ماعليها كلام وافيه

لك تحياتي

قلت اسمعي يوم لـدت قلـت والا بـدون
مـدري ولكـن عيونـك للمولـع بـلاد
لقيـت بعيونـك الثنتيـن ديـرة سكـون
ومضارب السيف والفريس فـوق الجيـاد
لو كان بنتـي بوقـتٍ فـات يالزيزفـون
ما كان غنو بوقـتٍ فـات بانـت سعـاد







مرحبا خالد


وصح السانك



وبيض الله وجهك


تحياتي لك

السلام عليكم ..

صح اللسانك ياخالد

توصيف يليق بالعين وفكره جميله ومخاطبه سهله وممتنعه

ارحب ياخالد
وصح لسانك وطاب بيانك
نص فارق بمواصفات الشعر الجزله

الله حي خالد

وصح الله السانك وعلا شانك

جزلة من راس جزل

أخوي خالد الذيابي

ارحب تراحيب المطر

صح لسانك واعتلا شانك

رايعه بروعة حضورك

تقبل احترامي وتقديري

حسن الوطري
هلابك ومنور يالغلا
صح كلك
والف شكر لك
تحياتى

يا سلااااااااااام

نص جزل وما عليه كلااااااام

واحساس عذب

صح لسانك يا خالد

ودام حضورك الشامخ

ودي وتقديري

يضمها الرمش وبضمتـه طرفـه حنـون
أغرق بها وأنشغل فيهـا واكـب العبـاد
:
ياعذب الاوصاف قرب ها هنـا لاتهـون
أقلط بصدري وتلقا وسط صـدري شـداد

،
،

تسلم ياخالد وصح لسانك ، افتقدناك وعوده تحمل الجوده

اررررررررررررررحب يابويزيد



وصح لسانك يالقرم



شاعر مبدع ومتمكن



لك تقديري