الشدايد محكً للجناب الشريف

قصيده تشرفت بالقائها في حفل تكريم امبراطور شعر العرضه الشاعر الكبير

محمد بن ثايب الشهراني والذي اقامه الشاعر مهدي بن عبدالله الحليو

وقبيلة الرمثين من شهران في مدينة الدمام البارحه وقد شرفني امبراطور الشعر

بلقب سوف يكون وسامً على صدري ماحييت وحافزً لي في مسيرتي الشعريه

واطلق علي لقب (المنَحل) وهو المكان الذي يجمع فيه النحل العسل في شواهق الجبال

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الشدايـد محـك(ن) للجنـاب الشريـف =والرخا واحة(ن) فيها الـذرى والظـلال
يستظلون فيها مـن مداهـم ضعيـف =ولا نحى الظل ما تلقى مجيب السوال
والتجارب مداد العقل لو هـو خفيـف =تصقله لين يصبح في عـداد الكمـال
فلسفة شاعر(ن) لا جا المكـان المخيـف =ما لقط بندق الطارف وصابه الجفـال
ينحر الخوف كانه صاحب له وليـف =وتعانز على طاعـة عظيـم الجـلال
شرد افكار هاجوسه لغيـره تضيـف =الحِكم والدهـا والطيـب والاعتـادل
ان حضر بان وجهه في المقام الكليف =وان تغيب شذا طاريه جالـه مجـال
يا مهدي ضيفك الليله مهوب اي ضيف =امبراطور شعروالمرجله مـا يـزال
اشهد انه يجمـل فالقـا بـو منيـف =شاعر القيف زيزوم الحمـول الثقـال
منزله في حنايا الصدر ماله وصيـف =عند خطلان اليدي مكرميـن السبـال
ان زعل قو باسه مثل حـد الرهيـف =وان تغضى تساما في عيون الرجـال
الخلاصه وختم القاف يا بـو منيـف =اشهد انك تجمـل ياوفـي الخصـال


[/poem]

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
فلسفة شاعر(ن) لا جا المكان المخيف=ما لقط بندق الطارف وصابّهْ الجفـال[/poem]

[align=center]نص كــ العسل ايها المنحل[/align]

ارررررررررررررحب يابوسعد



وصح لسانك وعلاشانك




قصيدة استمتعت بها منك مباشره في الحفل



وعزالله حفل يطلق الوجه وبيض الله وجه معزبنا ابوعبدالله مهدي الحليو وربعه ووجيه الحاضرين وعساهم للعز والمعزه



ويستاهل ابن ثايب المدح وتستاهل اللقب يابوسعد ولايهون الحاضر



لك تقديري

فهيد



صح لسانك وبيض الله وجهك



وافي وقصيدك وافي وتستاهل كل خير وعلم غانم



والله يحفضكم جميعاً

بيض الله وجهك


قصيدة وافيه من شاعر متمكن وقدير


سجلني متابع ومعجب لبوحك الراقي


تحياتي لك

ارحب يافهيد
ونص يجمل في ذلك الاحتفال بشاعر كلنا نحبه
وانا اشهد انك تستاهل اللقب والقصيده دايرها فكر شعر
لاعجمت ياكحيلان

فهيد

صح السانك ولاهنت

قصيده رائعه من رائع

لك تحياتي

الخلاصه وختم القاف يا بـو منيـف
اشهد انك تجمـل ياوفـي الخصـال



وانا اشهد انك تجمل وتستاهل اللقب

صح لسانك

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
فلسفة شاعر(ن) لا جا المكان المخيف=ما لقط بندق الطارف وصابّهْ الجفـال[/poem]

[align=center]نص كــ العسل ايها المنحل[/align]

مرورك حلا من العسل يا حمد

لاهنت يا وافي