نـــــار الـخــطــــــــر

[align=center]إهداء لكل سعودي ذرب بعد تطهير حدود الوطن من العدو القريب[/align]

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سلامات يالحد الجنوبي عسى ما باس = من الشعله اللي ولعت في مسببها
تعافا جبل دخان من وعكة الاوناس = ودحرنا العدا حتى كسرنا كتايبها
تطمع بنا الحوثي ونشق بريح الماس = وعود على اعوانه ذليلٍ وخيبها
نوى وانتوى وإرغم على المعسره والياس = وشبه الجزيره جادلٍ عند شايبها
رهجناه وارعبناه وانكف على الافلاس = بعد ما حياته ركزت له نصايبها
وحنا نمور الحرب لا دقت الاجراس = ليا ثارت الهيجا نطحنا لهايبها
بسربٍ مقادمها بنار الخطر قباس = تهاوى على اخطار المعارك وتعطبها
بعنف الشرس تنهض وتاخذ لها مرواس = بتخطيط سلطان السعد في مواجبها
تصب الغضب فوق الوغى والنصر نبراس = وترزم على روس الاعادي وترعبها
نغذ الفشق بالنار ونقلط الترباس = ونرهج مكامين الخطر لين ندبها
بروسٍ تفيّح بالشجاعة وبالنوماس = ليا لج صوت الهيج تفتل شواربها
تبين على المشراف ما تعقب المتراس = كواسر سطر ترعب معاكف مخالبها
تدك العدا بالموت الاحمر وقو الباس = ونمراً مددها النار تهلك شبايبها
تمزع من ارقابٍ نواقيسها قواس = إتسابق على التثوير نيات مذهبها
إتعلقم كبود القوم بالمر كاس وكاس = ليا اوعز لها خالد تنومس مضاربها
تسلط على الشرشوف واتقطع الانفاس = ضحية تفقها شهقته ما يزوع إبها
ذرا المملكة فالضيق والموقف الحساس = لا ششنالها والله ما تقرب حضايبها
بجيشٍ ينومسنا ليا اسودت الادماس = وجات المعارك واستهاجت حرايبها
تحت راي اخو نوره ملكنا صليب الراس = حزام العروبه لا توالت مكاربها
ولد من جمع شمل الجزيره على الافراس = بسيفٍ عتاولة النموره يهيبها
سطا الاملح المسنون وارعب جميع الناس = وعاشب (بامن) دايم وصفية مشاربها
بعد مالخليقه بين بندق وسيف وطاس = وقومٍ تكاعمها وقومٍ تحاربها
رزقنا الولي بالشجره اللي نمت من ساس = زرعها معزي واغدقتنا مكاسبها
مشاعر مطيريٍ ليا دق به هوجاس = نحت له قصيده كل شرهٍ يشيد إبها[/poem]

يستاهل الوطن
يستاهل هذا الشعور الغيور اللي يشوّش الراس
ويستاهل هذا الكم الهائل من قوة بأس القصيد
سعود القت شاعر رائع بكل المواصفات
صح لسانك وسلم راسك

تصب الغضب فوق الوغى والنصر نبراس
وترزم علـى روس الاعـادي وترعبهـا
نغذ الفشـق بالنـار ونقلـط التربـاس
ونرهـج مكاميـن الخطـر ليـن ندبهـا
بروسٍ تفيّـح بالشجاعـة وبالنومـاس
ليا لج صـوت الهيـج تفتـل شواربهـا



ارررررررررررررررررحب يابوعمر



وصح لسانك ملايييييييييييييييييييييين



شاعر مبدع وجزل وعسى الله يحفظ الوطن والقياده الرشيده



تقبل تقديري

,

والنعم

الوطن مهما قلنا فيه قليل الله يحفظه ويكبت اعداه

صح لسانك ملاييين ياشاعرنا وبيض الله وحهك

تحياتي .

,

ابو عمر

صح السانك ولاهنت

قصيده رائعه ومعبره

لك تحياتي

الشاعر سعود القت
صح الله لسانك
والله يعطيك العافيه

اخوي سعود



لا طعم للشعر ولا حتى النصر بدون حضورك


مشاعر تعبر عن كل شاعر وطني او مواطن صالح


صح الله لسانك وبيض الله وجهك


نص رائع وشاعر متمكن الله يحفظك


تقبل تحياتي وتقديري


اخوك

ابونايف

أخوي سعود القت

صح لسانك واعتلا شانك

حضور رايع ولايستغرب

تقبل احترامي وتقديري