قصيدة المشاركه لشاعر الدعوه

[poem=font="Simplified Arabic,4,#2900FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
على صوت الاذان اليا ارتفع ثم ابهج المغموت = ونادى واستجاب الْه العقل والقلب والنيه
يدور بخاطر اللي لاهو بضايق ولامكبوت = سؤال ٍ ياكبر شانه ويامعظم معانيه
على وجه البسيطه ليه جينا ثم ليه نموت = وهل بعد الممات نهاية الدنيا الحياتيه ؟
سؤال ٍ مايراود كون منهو لاتوحّى الصوت = يرتلْه المرتّل يخشع ويتهز ّ خافيه
فاكيد ان فيه خالق للفضا والداب والمنبوت = واكيد انحن بنبعث له ونحشر له سواسيه
واكيد ان الكتاب منزل وقول النبي مثبوت = واكيد ان الحكم لله وحده والعبوديه
لذا لازم نعود بتوبة ٍ تجلى سواد النوت = مادام انحن ضعوف وفوق وجه الارض طرقيه
فلا ياللي تعيش ولكن انك عايش وممقوت = وعزك في طريق ٍ لاح برقه وارهت نويه
ترى الانسان مهما عاش عمره اقصر من الفوت = ولو عاش لميه ماهوب عايش بعدها ميه
تغانم عمرك اللي كل مافات الزمان يفوت = ولاتفرط بساعاته ولا حتى ثوانيه
ولاتنظر ورى دام ان ورى يجعل الامل مبتوت = وسخر يومك ليوم يتبرى الاخ من خيه
لو انحاسب بلا رحمه ماذقنا اعنابها والتوت = لو ان اعمالنا طول الحياه اعمال خيريه
ولو انحاسب برحمه نظفر الفردوس والياقوت = لو ان العبد ماله غير كلمة حق مثنيه
فلا يالله عفوك لا غدن ّ النا القبور بيوت = وسترك فوق الارض ويوم نعرض لك علانيه
نبي رحمتك يامنجي نبيك يونس من الحوت = بعفوك ترجح الحسنه بكفتها على السيه[/poem]

صح لسانك وطاب بيانك يامعيض
والله يجزاك خير

ارررررررررررررحب يامعيض




وصح لسانك وعلاشانك



قصيدة طيبه وعسى الله يجزاك خير



تقبل تقديري

الشاعر معيض بن شملان
صح الله لسانك
والله يعطيك العافيه

فلا يالله عفوك لا غدن ّ النـا القبـور بيـوت
وسترك فوق الارض ويوم نعرض لك علانيـه
نبي رحمتك يامنجي نبيك يونس مـن الحـوت
بعفوك ترجح الحسنـه بكفتهـا علـى السيـه


اللهم آمين..الله يعفوعنا ويرحمنا برحمته

وصح لسانك يـ الشاعر

ولاهنت على هـ الجزله

تقديري لك’,,

صح الله لسانك يا سمي


وبيض الله وجهك


ابدعت فتألقت ونصحت فصدقت


نص فاخر من شاعر متمكن


لا هنت على الابداع الرائع



اخوك


ابونايف

نبي رحمتك يامنجي نبيك يونس مـن الحـوت
بعفوك ترجـح الحسنـه بكفتهـا علـى السيـه


شملت يابن شملان بهذا البيت